Santiago, 3 de novembro de 2016.- O presidente do PPdeG, Alberto Núñez Feijóo, presentou hoxe un programa piloto que mellorará a atención á parada cardiorrespiratoria fóra dos centros sanitarios mediante a coordinación dunha rede de voluntarios que a través dunha aplicación móbil enviará unha notificación cando se produza un suceso deste tipo nun lugar público da súa contorna. “Os voluntarios poderán auxiliar á persoa que sufre a parada mentres non chegan os servizos sanitarios”, sinalou Feijóo.
Feijóo destaca que tres de cada catro lumes que se deron na Comunidade na última década foron provocados
Santiago, 3 de novembro de 2016.- Logo de que a Consellería do Medio Rural presentase hoxe un informe no que se avalían as causas dos incendios forestais en Galicia, o presidente do PPdeG, Alberto Núñez Feijóo, destacou este mediodía na rolda de prensa do Consello que tres de cada catro lumes que se deron na comunidade na última década foron provocados –“é dicir, o 75% dos lumes forestais son intencionados”, aseverou- ; o 30% se iniciaron pola noite; un 8% comezou con máis dun foco de xeito simultáneo; e o 14% dos incendios concéntranse nas coñecidas como parroquias de alta actividade incendiaria, pese a supoñer só o 3,6% da superficie de Galicia.
Feijóo destaca que a Xunta destina máis de 4,2 millóns de euros a realizar melloras nas escolas infantís e nos puntos de atención á infancia autonómicos
Santiago, 3 de novembro de 2016.- O presidente do PPdeG, Alberto Núñez Feijóo, destacou hoxe que o Goberno galego destina máis de 4,2 millóns de euros a realizar melloras e obras de adecuación nas escolas infantís e nos puntos de atención á infancia da rede autonómica.
Tellado: “A Xunta prevía que a media do paro deste ano sería dun 17,4% e imos camiño de cumprilo”
Santiago, 3 de novembro de 2016.- O secretario xeral do PPdeG, Miguel Tellado, valorou os datos do desemprego do mes pasado destacando que “a Xunta prevía que a media do paro deste ano sería dun 17,4% e imos camiño de cumprilo”. Deste modo, puxo en valor que a nosa comunidade se sitúe a niveis de paro inferiores aos de outubro de 2009, é dicir, hai sete anos.
Feijóo marca o calendario para a elaboración dos orzamentos, que prevé aprobar o Consello no día 1 de decembro
Santiago, 27 de outubro de 2016- O presidente do PPdeG, Alberto Núñez Feijóo, marcou o calendario para a aprobación dos Orzamentos autonómicos de 2017, con dous grandes fitos: na primeira xuntanza do novo Goberno, aprobar o Proxecto de lei de teito de gasto, e no Consello do 1 de decembro, previsiblemente, dar o visto e prace ao Proxecto de lei de orzamentos, para que poida comezar a tramitarse na Cámara o antes posible.
Feijóo avanza que a Xunta implantará nos hospitais Álvaro Cunqueiro de Vigo e no Lucus Augusti de Lugo un sistema de localización e guiado de pacientes mediante unha aplicación móbil
Santiago, 27 de outubro de 2016- O presidente do PPdeG, Alberto Núñez Feijóo, avanzou hoxe que o Goberno galego vai implantar nos hospitais Álvaro Cunqueiro de Vigo e no Lucus Augusti de Lugo un sistema de localización e guiado de pacientes mediante unha aplicación móbil, que estará dispoñible para dispositivos que empreguen Android ou iOS de Apple.
Feijóo salienta o incremento da liña de axudas ata un total de 26 millóns de euros para os mozos que queiran incorporarse á actividade agrogandeira
Santiago, 27 de outubro de 2016- O presidente do PPdeG, Alberto Núñez Feijóo, destacou hoxe o incremento da liña de axudas ata un total de 26 millóns de euros para os mozos de entre 18 e 41 anos que queiran incorporarse á actividade agrogandeira. “Aumentamos en 8 millóns de euros o orzamentos desta liña e pasamos de 18 a 26 millóns de euros para que ningún dos 657 mozos que a solicitaron, e que cumpren todos os requisitos, queden sen ela”, aseverou, subliñando que grazas a este incremento –“que bateu o record”-, será o ano co maior número de solicitudes aprobadas, o que representa unha suba do 350% respecto ao 2015.
Tellado: “O voto dos galegos foi quen de producir unha reacción en cadea de sensatez”
Santiago de Compostela, 26 de outubro de 2016.- O secretario xeral dos populares galegos, Miguel Tellado, ofreceu hoxe unha rolda de prensa trala decisión de onte do presidente do Partido Popular, Mariano Rajoy, de aceptar o encargo do Rei de someterse a unha nova sesión de investidura unha vez que o PSOE accedeu a absterse nela.
O PPdeG continuará defendendo a transferencia da AP-9 a Galicia
Galicia creará o Rexistro galego de ictus que permitirá melloar a eficacia dos procedementos e protocolos de atención
Lembra que o ictus é a segunda causa de morte en España e a primeira causa de mortalidade feminina, e subliña que no pasado ano ingresaron por este motivo preto de 4.300 persoas nos hospitais galegos
O presidente da Xunta en funcións, Alberto Núñez Feijóo, avanzou hoxe a creación do Rexistro galego de ictus, ferramenta que permitirá seguir mellorando a eficacia e axilidade dos procedementos e protocolos de atención.
Durante a rolda de prensa do Consello, Feijóo precisou que este sistema de información recollerá, de xeito obrigatorio, todos aqueles episodios relacionados coa atención do paciente que sofre un ictus: centro que realiza a chamada, hora de inicio dos síntomas, hospital onde foi realizada a primeira atención, hora de chegada ao hospital, tipo de ictus, criterios de prioridade, administración de medicamento, hora de administración do medicamento, derivación á Unidade de Ictus para trombectomía endovascular, centro ao que se deriva ao paciente e hora de trombectomía endovascular.
O titular do Goberno galego subliñou que, a partir da información que se vaia recollendo, poderanse perfeccionar os procedementos e protocolos do Plan de atención ao ictus; “e, deste xeito, reaccionar con maior axilidade e eficacia ante os casos que se dean na comunidade”.
Logo de lembrar que o ictus é, na actualidade, a segunda causa de morte en España e a primeira causa de mortalidade feminina, Feijóo subliñou que no pasado ano ingresaron por este motivo preto de 4.300 persoas nos hospitais galegos.