Santiago, 6 de febreiro de 2020.- O deputado do Grupo Popular Carlos Gómez Salgado asegurou hoxe no Parlamento que a Xunta apoia a declaración do entroido de Viana do Bolo como festa de interese turístico nacional, pero lembrou que corresponde ao Concello realizar todo o procedemento para a súa remisión ao Goberno do Estado.
O Parlamento galego demanda un novo estudo para coñecer o impacto socioeconómico de todos os Camiños de Santiago
Santiago, 6 de febreiro de 2020.- O Parlamento galego aprobou hoxe a proposición non de lei do Grupo Popular a través da que demanda que a Axencia de Turismo de Galicia inicie as xestións necesarias para o desenvolvemento dun novo estudo que permita coñecer o impacto socioeconómico do Camiño de Santiago en todas as súas rutas, logo de que xa se levara a cabo o informe concreto para o Camiño Francés.
O PPdeG reitera a plena disposición da Xunta para manter o diálogo e buscar unha solución aos problemas de Muebles Hermida
Santiago, 6 de febreiro de 2020.- A deputada do Grupo Popular Sandra Vázquez reiterou hoxe no Parlamento “a plena disposición do PPdeG e da Xunta de Galicia para manter o diálogo aberto cos empresarios, os empregados e, de ser o caso, co administrador concursal da empresa Muebles Hermida de cara a buscar a mellor solución posible que permita manter a actividade industrial e o emprego”.
O Parlamento aproba reclamar ao Goberno central que cumpra as 25 demandas da Axenda Galicia
Santiago, 5 de febreiro de 2020.- O Parlamento galego aprobou hoxe, co único voto favorable do Partido Popular, a reclamación ao Goberno central para que cumpra as 25 demandas prioritarias fixadas no documento de Axenda Galicia aprobado polo Consello da Xunta o pasado 31 de outubro.
O Grupo Popular solicita que se incrementen o número de prazas de axentes da Policía Nacional para atender a perda de efectivos en Galicia
Santiago, 5 febreiro 2020.- O Grupo Popular ven de presentar no Parlamento de Galicia unha iniciativa na que solicita ao Goberno do Estado que se contemple, nas próximas convocatorias de prazas e concurso de méritos, a adscrición dun número de prazas suficiente de axentes da Policía Nacional, non inferior a 256, para atender as graves carencias de persoal que sofre Galicia.
O Parlamento galego reclama ao Goberno central que garanta a venda de billetes presencial en distintas estacións ferroviarias galegas
Santiago, 5 de febreiro de 2020.- O Parlamento galego aprobou hoxe por unanimidade unha proposición non de lei do Grupo Popular a través da que se reclama ao Goberno de España que rectifique a decisión de deixar sen servizo de venda presencial de billetes as estacións ferroviarias de Ortigueira, Burela, Sarria, Viveiro, O Carballiño, Ribadavia, Guillarei e Redondela, tomando as medidas oportunas para garantir o mantemento deste servizo nas estacións afectadas.
O Grupo Popular asegura que a Xunta aposta pola creación do Museo da Romanización de Lugo
Santiago, 5 de febreiro de 2020.- A deputada do Grupo Popular Encarna Amigo garantiu hoxe no Parlamento que “a Xunta aposta pola creación do Museo da Romanización de Lugo, un museo en rede para poñer en valor o legado do seu rico patrimonio arquitectónico e arqueolóxico, e que permitirá recuperar, ademais, unha infraestrutura infrautilizada, como o Museo Interactivo da Historia de Lugo, que podería funcionar integrado coa área musealizada e vincularse a outros elementos da pegada romana como Santa Eulalia de Bóveda ou a Domus de Mitreo”.
O Grupo Popular afirma que a cidade deportiva do Celta en Mos será obrigatoriamente autorizada se cumpre os requisitos legais
Santiago, 4 de febreiro de 2020.- O deputado do Grupo Popular Alberto Pazos afirmou hoxe no Parlamento que “a cidade deportiva do Celta de Vigo en Mos será obrigatoriamente autorizada se cumpre os requisitos legais e obrigatoriamente denegada en caso contrario”. Na súa intervención, asegurou que “todas as obras que se están a facer neste momento teñen licenza municipal”, en contraposición á afirmación realizada polo deputado do BNG Luís Bará, ao que pediu que retirara as súas falsas acusacións.
O Grupo Popular critica que o PSOE rexeitara no Pleno solicitar ao Goberno central a eliminación da taxa de reposición no sistema sanitario
Santiago, 4 de febreiro de 2020.- O portavoz de Sanidade do Grupo Popular, Aurelio Núñez Centeno, criticou hoxe que o Grupo Socialista rexeitara esta tarde no Pleno do Parlamento solicitar ao Goberno de España a eliminación da taxa de reposición para o persoal do sistema sanitario. “Non permitiu a votación deste punto da súa moción, a pesar de que esta demanda xa foi aprobada en varias ocasións no Parlamento galego desde 2017, co voto favorable do Grupo Popular e gobernando Mariano Rajoy”, apuntou.
O Grupo Popular avoga por dar solucións ás persoas que non queren vivir, pero tamén dar garantías ás que non queren morrer
Santiago, 4 de febreiro de 2020.- A deputada do Grupo Popular Julia Rodríguez Barreira manifestou hoxe no Pleno do Parlamento que “comprendemos e debemos dar solucións a aquelas persoas que non queren vivir, pero tamén temos que dar garantías a aquelas persoas que non queren morrer”.