Santiago, 2 de maio de 2019.- O Parlamento de Galicia aprobou hoxe por unanimidade a proposición non de lei do Grupo Popular a través da que se solicita ao Goberno do Estado que leve a cabo as actuacións oportunas para garantir unha maior simplicidade e axilidade na tramitación das prestacións por risco durante o embarazo en favor de mariscadoras, percebeiras, redeiras e traballadoras da pesca artesanal, ben sexa o Instituto Social da Mariña ou as mutuas colaboradoras coa Seguridade Social.
O PPdeG afirma que a causa do conflito das traballadoras do SAF de Forcarei “é totalmente allea ao Concello”
Santiago, 2 de maio de 2019.- A portavoz de Asuntos Sociais do Grupo Popular, Marta Rodríguez Arias, asegurou hoxe que a causa do conflito coas traballadoras do servizo de axuda no fogar de Forcarei “é totalmente allea ao Concello, xa que é consecuencia da mala xestión da empresa concesionaria que provocou a súa quebra e a apertura dun concurso de acredores”.
O Grupo Popular salienta o incremento dun 33% do persoal na área sanitaria do Salnés no últimos dez anos
Santiago, 2 de maio de 2019.- O portavoz de Sanidade do Grupo Popular, Aurelio Núñez Centeno, salientou hoxe no Parlamento o incremento nun 33 por cento do persoal da área sanitaria do Salnés, ao que se sumou máis de dez millóns de euros en equipamento e reforma do hospital.
Seguir leyendo
Seguir leyendo
O PPdeG asegura que a incorporación do novo cirurxián pediátrico ao Hospital de Ourense hai un ano permitiu que se recuperara a normalidade
Santiago, 2 de maio de 2019.- A deputada do Grupo Popular Marta Rodríguez-Vispo salientou hoxe no Parlamento que a incorporación dun novo cirurxián pediátrico ao Hospital de Ourense hai agora un ano permitiu que este servizo recuperara a súa normalidade, conseguindo unha redución da lista de espera cirúrxica dun 50 por cento e do tempo de espera medio dun 35 por cento.
O Grupo Popular demandará no Pleno que os concellos elaboren plans de emerxencia ante situacións de seca
Santiago, 1 de maio de 2019.- O Grupo Popular defenderá no Pleno do Parlamento de Galicia da vindeira semana unha proposición non de lei a través da que se demanda aos concellos galegos a elaboración de plans de emerxencia ante situacións de seca, así como levar a cabo as actuacións necesarias na rede municipal de abastecemento para solucionar os problemas existentes e evitar a perda de auga na rede.
O Parlamento demanda que a Xunta fomente a sensibilización e coñecemento da lexislación en materia de integración de persoas con discapacidade na empresa privada
Santiago, 30 de abril de 2019.- O Parlamento de Galicia aprobou hoxe unha proposición non de lei, logo dunha transacción entre o Grupo Popular, En Marea e o Grupo Socialista, a través da que se insta á Xunta de Galicia á posta en marcha dunha campaña para fomentar a sensibilización e o coñecemento da lexislación vixente en materia de integración das persoas con discapacidade na empresa privada.
O Parlamento insta ao Goberno do Estado a que retire a modificación do regulamento da Lei de Costas
Santiago, 30 de abril de 2019.- O Parlamento de Galicia aprobou hoxe a proposición non de lei do Grupo Popular a través da que se insta ao Goberno do Estado a que retire a redacción actual da modificación do regulamento da Lei de Costas por non axustarse á normativa vixente e que na nova tramitación que se acometa se dea un prazo axustado de alegacións para que toda a cidadanía e os sectores afectados poida presentar as súas reclamacións.
O Parlamento reclámalle ao Goberno Central a posta en marcha do Estaleiro 4.0 nas instalacións de Navantia en Ferrol
Santiago, 30 de abril de 2019.- O Parlamento de Galicia aprobou este martes por unanimidade unha proposición non de Lei do Grupo Popular na que apoia á Xunta de Galicia na súa petición ao Goberno de España dunha resposta inmediata á proposta consensuada para a implantación do estaleiro 4.0 en Ferrol -vinculado ao programa de construción de cinco fragatas F110-, que suporá xeración dun número relevante de empregos e situará a Navantia na vangarda tecnolóxica do sector naval.
O PPdeG apoia solicitar ao Goberno do Estado a concesión discrecional de indulto para un percebeiro de Carnota condenado por agredir a un furtivo
Santiago, 30 de abril de 2019.- O Grupo Popular apoiou hoxe a aprobación no Parlamento de Galicia dunha proposición non de lei a través da que se solicita ao Goberno do Estado a concesión discrecional de indulto para o ex presidente dos percebeiros de Lira-Carnota, Manuel Antonio Martínez Lustres, ou cando menos que se lle exima de entrar en prisión en canto non se resolva a petición de indulto, en relación á pena que se lle impuxo por agredir a un furtivo en 2013.
O Parlamento esixe a Naturgy que garanta carga de traballo suficiente para o mantemento da empresa Unitono en Ourense
Santiago, 30 de abril de 2019.- O Parlamento de Galicia aprobou hoxe por unanimidade, logo dunha transacción acordada entre o Grupo Popular, Grupo Socialista e BNG, unha proposición non de lei a través da que se insta á Xunta a esixir a Gas Natural Fernosa-Naturgy que garanta a carga de traballo necesaria para o mantemento da empresa Unitono no Parque Tecnolóxico de Ourense e dos postos de traballo actualmente existentes.