Santiago, 9 de febreiro de 2017.- O deputado do Grupo Popular Jacobo Moreira destacou hoxe que a Xunta vén mellorando á alza o tempo de redución da xornada laboral dos empregados públicos para o coidado de fillos con enfermidades graves, fixando un chan superior á metade da xornada.
O GPP salienta que o Servizo galego de emerxencias está cualificado como o máis axeitado para unha comunidade como Galicia
Santiago, 9 de febreiro de 2017.- A deputada do Grupo Popular Encarna Amigo salientou hoxe no Parlamento que “o Libro Branco dos servizos de emerxencias médicas en España cualifica o modelo galego como o máis axeitado para unha comunidade coas características de Galicia”. “Ademais, o 061 é o servizo máis valorado polos galegos de entre todos os que ofrece o Servizo Galego de Saúde, cunha porcentaxe do 98,9 por cento dos usuarios que volverían a empregar o servizo en caso de necesidade”, engadiu.
O GPP avoga polo consenso e o acordo entre médicos e enfermeiros para a correcta dispensación de fármacos
Santiago, 9 de febreiro de 2017.- A deputada do Grupo Popular Marta Rodríguez-Vispo avogou hoxe polo consenso e o acordo entre médicos e enfermeiros para a correcta dispensación de fármacos.
O PPdeG afirma que o Servizo de prevención e defensa contra incendios combina presenza suficiente de traballadores en épocas de maior risco coa xestión adecuada de recursos públicos
Santiago, 8 de febreiro de 2017.- O portavoz do Medio Rural do Grupo Popular, José González Vázquez, afirmou hoxe no Parlamento que a contratación de persoal para o Servizo de prevención e defensa contra incendios forestais (SPDCIF) “combina a súa presenza suficiente nas épocas de maior risco no ano coa flexibilización na contratación que demanda unha xestión adecuada dos recursos públicos”. Así mesmo, expresou o seu compromiso para reunirse con estes traballadores para coñecer de primeira man as súas demandas de melloras laborais.
O GPP pide aos grupos da oposición que apoien os orzamentos do Estado no Congreso que incorporarán as partidas necesarias para o AVE galego
Santiago, 7 de febreiro de 2017.- O portavoz de Infraestruturas do Grupo Popular, Martín Fernández Prado, manifestou esta tarde no Parlamento que, logo dos compromisos asumidos polo ministro de Fomento, “só hai unha incertidume” para a execución das obras, polo que demandou á oposición que “apoien os orzamentos do Estado no Congreso dos Deputados que incorporarán as partidas necesarias para a construción do AVE a Galicia”.
O PPdeG critica que a oposición pretenda «fuxir do consenso acadado no pasado pleno en relación coa violencia de xénero»
Santiago, 7 de febreiro de 2017.- O portavoz de Educación do Grupo Popular, César Fernández, criticou hoxe á oposición de pretender “fuxir do consenso acadado no pasado Pleno do 25 de xaneiro sobre a política do Goberno galego en relación coa violencia de xénero en persoas menores de idade”. Neste sentido, lamentou o “apetito insaciable de confrontación por parte dalgúns grupos políticos convertendo en motivo de liorta aquilo que nos une e no que precisamente deberíamos dar exemplo enviando á sociedade unha mensaxe clara de unión”.
O GPP avoga porque os produtores do leite teñan unhas estruturas amplas e operativas para negociar en conxunto e ter maior forza
Santiago, 7 de febreiro de 2017.- O portavoz do Medio Rural do Grupo Popular, José González, avogou hoxe porque os produtores de leite “teñan unhas estruturas asociativas amplas e operativas, que sexan quen de desenvolver a súa función negociadora de todo o leite producido polos seus socios e posicionarse cunha maior forza fronte aos primeiros compradores”.
O GPP critica que o PSOE defenda agora a mellora dos xulgados de Pontevedra cando non presentou emenda algunha aos orzamentos para estas obras
Santiago, 8 de febreiro de 2017.- O deputado do Grupo Popular Alberto Pazos criticou hoxe aos socialistas galegos que presenten unha proposición non de lei pedindo melloras nas infraestruturas xudiciais da provincia de Pontevedra “cando acabamos de celebrar o debate dos orzamentos para 2017 e non presentaron emenda algunha para afrontar as tan imprescindibles obras”.
O Parlamento insta ao Concello de Ponte Caldelas a evitar o peche do Centro de Información á Muller
Santiago, 8 de febreiro de 2017.- O Parlamento de Galicia aprobou hoxe unha proposición non de lei a través da que se insta ao Concello de Ponte Caldelas a adoptar as medidas necesarias para evitar o peche do Centro de Información á Muller deste municipio. A viceportavoz do Grupo Popular, Paula Prado, afirmou que o peche deste CIM “non ten ningunha xustificación e cada día que pasa as accións do alcalde o poñen máis de manifesto”.
O Parlamento insta á Xunta a completar a retirada e tratamento por xestores autorizados dos pneumáticos usados
Santiago, 8 de febreiro de 2017.- O Grupo Popular apoiou hoxe no Parlamento, logo dunha transacción realizada co BNG, instar á Xunta a que complete de xeito inmediato a retirada e tratamento por xestores autorizados dos pneumáticos usados acumulados en depósitos e vertedoiros incontrolados, así como que reforce os medios de apoio aos concellos galegos na urxencia da recuperación ambiental dos puntos de vertido incontrolado.