Feijóo di que os beneficiarios da Lei da área metropolitana de Vigo serán os cidadáns

Santiago, 12 de maio de 2016.- O presidente do PPdeG, Alberto Núñez Feijóo, destacou hoxe a aprobación do proxecto de modificación da Lei da área metropolitana de Vigo, un instrumento que, segundo afirmou beneficiará aos cidadáns de Vigo e da súa área con máis e mellores servizos, con aforro de custes, con maior facilidade para acceder a programas e axudas, e coa posibilidade de facer unha planificación global do territorio e de asumir novas competencias doutras administracións.
Feijóo afirmou que ademais de ofrecer potencialidades para prestar máis e mellores servizos aos cidadáns, esta nova lei coloca a Vigo e a súa comarca á cabeza da cooperación intermunicipal en Galicia; “e que se configura como unha ferramenta útil para desenvolver de forma harmónica os 14 concellos, encabezados por Vigo, que conforman unha área dunha enorme importancia económica e, sen dúbida, dunha enorme importancia poboacional”.
Trátase dunha lei que xorde do consenso dos 14 concellos, “froito dun laborioso traballo por parte da Vicepresidencia do Goberno” e que “foi tramitada en tempo récord, cumprindo co noso compromiso e actuando con enorme responsabilidade”, explicou. Así mesmo, precisou que a súa entrada en vigor está condicionada a que o Concello de Vigo cumpra tamén a súa parte que comprometeu ante a Xunta e ante os outros 13 alcaldes que formarán parte inicialmente da área metropolitana.
O tmandatario sinalou que “en tan só tres meses a Xunta ten realizado, con maior axilidade e con maior premura, todos os trámites necesarios para que hoxe o Goberno lle dea o visto e prace definitivo e remita o texto ao Parlamento”, malia que o Concello de Vigo aínda non teña asinado coa Xunta e co resto dos concellos da área o Plan de Transporte Metropolitano. Como explicou Feijóo, chegouse á conclusión de que se non se aprobaba a Lei da Área Metropolitana de xeito inmediato non podería estar en vigor neste período de lexislatura. Por tanto, decidiuse actuar para que non se vexan prexudicados o resto dos concellos.
Os pormenores da Lei da Área Metropolitana de Vigo
Pola súa banda, o vicepresidente da Xunta, Alfonso Rueda afirmou que aprobando hoxe esta lei de consenso e remitíndoa ao Parlamento dáse “un paso de xigante” para culminar un proceso que se precipitou no último ano pero que xurdiu xa hai case vinte anos dunha iniciativa cidadá.
Ao longo da súa intervención, Rueda lembrou que, desde que se produciu o acordo cos concellos hai tres meses, axilizáronse ao máximo todos os trámites: sometendo o texto a exposición pública; contando con informes favorables de Igualdade e de Asesoría Xurídica; coa aprobación da Federación Galega de Municipios e Provincias, que agrupa a todas as entidades locais de Galicia, tanto aos concellos afectados como á Deputación de Pontevedra; e sumando así mesmo –aínda que non era obrigado-, o beneplácito do Consello Consultivo.
Así mesmo, precisou que as principais novidades do texto céntranse en dous aspectos: o modelo de gobernanza e as atribucións competenciais. En canto ao primeiro, o cambio fundamental é a adopción dun sistema de voto ponderado na Xunta de Goberno que se traduce en que o peso na toma de decisión será correlativo ao peso da poboación dos seus concellos, cun mecanismo corrector para evitar abusos de poder, xa que os acordos deberán contar co voto favorable de, cando menos, catro concellos.
Logo de resaltar tamén que as vicepresidencias pasan de dúas a catro; o vicepresidente da Xunta explicou que, no eido das competencias, o documento prevé un mecanismo áxil e efectivo para a cesión de funcións e servizos por parte doutras administracións, garantido que vaian acompañadas das achegas económicas precisas para o seu financiamento.
Por outra banda, e en relación á competencia en materia de transporte, facúltase a propia área metropolitana a establecer os criterios de coordinación entre o transporte metropolitano e os transportes urbanos de cada concello. E, para iso, créase un comité de coordinación integrado por tres persoas: unha en representación da Xunta, outra por parte dos concellos con transporte urbano; e outra en nome dos concellos que carecen del.
Rueda destacou, ademais, que a nova lei permite aos concellos abandonar a área se se constata que non se adheriron a ningún servizo así como xestionará de xeito flexible, coordinado e en todo o territorio metropolitano servizos tan fundamentais para os cidadáns como: a promoción económica, emprego e servizos sociais; turismo e promoción cultural; medio ambiente, augas e xestión de residuos; prevención e extinción de incendios; protección civil e salvamento; ordenación territorial; tecnoloxías da información; e a mobilidade e transporte metropolitano.
Sobre este punto, Rueda incidiu en que o Concello de Vigo segue pendente de cumprir o seu compromiso de integrarse no Plan de Transporte Metropolitano da Xunta, o cal era condición sine qua non pactada co resto dos alcaldes para que se puidese poñer en marcha a área metropolitana.
Con respecto a isto, Rueda puxo en valor a responsabilidade da Xunta que, ante a premura dos prazos e a posibilidade de que a lei poida non entrase en vigor se non se envía xa ao Parlamento para a súa tramitación, aprobou a lei, condicionando a súa posta en marcha efectiva a que Vigo cumpra o seu compromiso. Deste xeito, no texto engádese unha disposición adicional que establece que a efectiva posta en funcionamento da área metropolitana de Vigo requirirá a incorporación do Concello de Vigo ao Plan de Transporte Metropolitano de Galicia mediante a formalización do correspondente convenio.
[iframe width=»600″ height=»350″ src=»https://www.youtube.com/embed/K688JZx9Fdc» frameborder=»0″ allowfullscreen ]

Millán Mon destaca la importancia de los acuerdos pesqueros con terceros países

Estrasburgo, 10 de mayo de 2016.- En un debate que tuvo lugar en Estrasburgo en el Pleno del Parlamento Europeo, el eurodiputado popular, Francisco Millán Mon, destacó la importancia vital que supone para la flota europea la conclusión de acuerdos pesqueros con terceros países y animó a la Comisión Europea a seguir en esta línea de alcanzar acuerdos que permitan pescar en aguas de otros países.

Millán Mon se refirió en primer lugar al acuerdo con Liberia, objeto del debate, y destacó que el atún es la principal especie objetivo. Respecto al acuerdo con Mauritania, uno de los más importantes que la Unión Europea tiene con terceros países y que fue también fue debatido ayer, el eurodiputado gallego lamentó una vez más la exclusión de la flota cefalopodera.

Además, expresó su deseo de que «los estudios científicos sobre el estado de los stocks de ciertas especies demersales estén listos para la próxima reunión de la Comisión Mixta que se celebrará a finales de mayo y que, en función de sus resultados, puedan concederse posibilidades de pesca para la flota arrastrera congeladora europea, tal y como se prevé en el protocolo».

Por otra parte, en otro debate celebrado ayer sobre «la trazabilidad de los productos pesqueros y de la acuicultura en los restaurantes y la distribución», el eurodiputado gallego insistió en la necesidad de que se cumpla la normativa europea vigente para asegurar la transparencia en el mercado y la trazabilidad de los productos. Asimismo destacó la importancia de los controles en los puertos de la Unión para evitar la entrada de importaciones procedentes de la pesca ilegal, no declarada y no reglamentada y las importaciones que no cumplan los estándares internacionales en materia sanitaria, medioambiental y laboral.

El eurodiputado popular también preguntó a la Comisión Europea sobre la fecha en la que prevé presentar su informe de valoración de la puesta en marcha de un etiquetado ecológico a escala de la Unión para los productos de la pesca y la acuicultura. Este informe sigue pendiente, como destacó el eurodiputado, pues tenía que haber sido presentado en enero del 2015.

Finalmente Millán Mon pidió a la Comisión Europea que estudiara una solución para evitar la confusión que puede originar en el consumidor la indicación obligatoria de la zona de captura “Aguas portuguesas», ya que ésta engloba también buena parte de las costas gallegas y de Andalucía.

 

Puy:O Plan Estratéxico dará un impulso ao crecemento e á garantía do benestar

Este Plan debaterase para a súa aprobación na sesión plenaria que se celebra esta semana

PEDRO PUY ASEGURA QUE O PLAN ESTRATÉXICO DA ECONOMÍA GALEGA DARÁ UN IMPULSO AO CRECEMENTO E Á GARANTÍA DA IGUALDADE E O BENESTAR

Santiago, 9 de maio de 2016.- O portavoz do Grupo Popular, Pedro Puy, asegurou hoxe porque o Plan Estratéxico da Economía Galega 2015-2020, que esta semana se debaterá para a súa aprobación no Pleno do Parlamento, dea “un impulso aproveitando a saída da recesión, tanto ao que é a posibilidade de vivir cun salario estable e digno en Galicia, como aumentando o crecemento ao longo do tempo sen esquecerse da importancia de contribuír a que a nosa sociedade dispoña de servizos públicos básicos que garantan a igualdade e o benestar”.

Pedro Puy considerou o Plan Estratéxico como un documento “relevante e útil, porque establece unha diagnose da situación económica de Galicia e fixa as actuacións de futuro, que poderán ser levadas a cabo sexa quen sexa o que teña a obriga de executalo”.

RETOS E PRIORIDADES

En concreto, o portavoz popular indicou que o Plan Estratéxico realiza “unha análise sobre os retos e as prioridades que é fundamental levar adiante no período 2015-2020 desde o punto de vista do desenvolvemento socioeconómico de Galicia”. En concreto, apuntou que fixa as prioridades de actuación con obxectivos concretos, como a necesidade dun crecemento medio do 2,5 por cento do PIB, cifra que cualificou de “realista e acadable”.

Así mesmo, Puy sinalou que sobre esa base económica “se constrúe unha previsión do crecemento da renda das persoas baseada nunha maior produtividade da economía galega, que implicaría unha mellora do 5 por cento da renda dispoñible galega en relación coa nacional”.

“Tamén se establecen as liñas fundamentais cara ao futuro dunha economía na que o capital humano estea máis reforzado, de tal xeito que poidamos inxerirnos nunha  economía cada vez máis aberta no ámbito europeo e que tenda a abrirse nun mundo máis globalizado”, sinalou.

SUSCEPTIBLE DE SER MODIFICADO

Respecto da tramitación parlamentaria deste documento estratéxico, o portavoz popular recoñeceu que será “difícil que haxa un acordo absoluto sobre o conxunto do Plan”, a pesar de que “é susceptible de ser modificado conforme avanza o tempo e as prioridades se vaian cumprindo”.

Neste sentido, subliñou que se trata do documento, máis aló do que establece o Regulamento, ao que o Goberno e o Grupo maioritario teñen dado máis marxe para acadar acordos”. “Entrou na Cámara o 4 de febreiro, o debate en comisión coa comparecencia do conselleiro foi o 4 de marzo e, unha vez que se presentaron as propostas de resolución e pola súa capacidade por ser un documento amplamente transaccionable, estamos pechando acordos en base a esas propostas de resolución”, sinalou.

Feijóo asume a Presidencia do PPdeG co compromiso de non deixar de traballar

Na clausura do Congreso
autonómico do PPdeG

Feijóo converte a honra de presidir o PPdeG no compromiso de non deixar
de traballar “nin un minuto” por unha Galicia orgullosa de si mesma, do que
fai e que ten o seu futuro só nas mans dos galegos

§ Indica que
renovou o partido e renova o seu compromiso porque cómpre estar preparados para
o que queda por diante: renovar Galicia

§ Dá a súa
palabra de que “hoxe, coma sempre, traballarei ao máximo e pelexarei con todas
as miñas forzas por Galicia”. “Imos traballar todos xuntos co obxectivo de dalo
todo”, garante

Ourense, 8 de maio, 2016.- O presidente
electo do PPdeG, Alberto Núñez Feijóo, asegurou hoxe que vai converter a honra
de volver a liderar o partido na obriga e no compromiso de non deixar de
traballar “nin un minuto” por unha Galicia orgullosa do que é, do que sente e
do que fai, e que ten o seu futuro só nas mans dos galegos.

O líder do PPdeG agradeceu a
confianza depositada nel por parte dos militantes e asegurou que sabe o que
supón a responsabilidade de presidir o partido; de dar a cara polos 100.000
afiliados e ser o portador da ilusión e esperanza de tantos galegos; de manter
o listón máis alto que o dos demais; e do reto de acadar o que ningún outro
partido en ningún outro lugar acadou.

Feijóo pediu o apoio e implicación de toda a formación para seguir
traballando “todos xuntos” por Galicia, tal e como sucedeu en 2009, en 2012 e
como sucederá en 2016.

ORGULLOSOS DE GALICIA

Segundo Feijóo, en Galicia hai
unha política responsable ante a frivolidade que afundiu o pasado e que agora
quixo bloquear o futuro; hai un partido unido, democrático e autoesixente, que
se renova e exerce un servizo público con humildade; hai un país que dá
exemplo, que axuda e se une.

Por iso, o presidente do PPdeG
reivindicou a política que se fai en Galicia e fixo fincapé en que non se xogou
cos cartos dos cidadáns nin co seu futuro, senón que se xestionou con seriedade
e sensibilidade. Así, a economía da comunidade crece e o paro baixa; o sector
primario segue a ser prioritario; hai máis investimento e innovación; hai máis
profesores, máis idiomas, máis tecnoloxía no ensino público; hai unha
universidade accesible; hai máis hospitais públicos, centros de saúde e
tecnoloxía sanitaria; hai máis servizos sociais; máis apoio a quen máis o
precisa; maiores respaldos ás familias e menos e máis baixos impostos cada ano.

Con respecto a isto, Feijóo
engadiu que, se ben noutros lugares non hai unidade, equipo, renovación, proxecto
en positivo, estabilidade nin goberno, en Galicia si o hai grazas ao PPdeG.
Nesta liña, sinalou que en España non hai maiorías, pero en Galicia si, e os
populares vanse esforzar porque así siga sendo.

Por este motivo, afirmou que,
malia que aínda quedan metas que acadar, Galicia non ten nada do que acomplexarse
fronte a ninguén en España, nin nada que envexar nin que imitar. Por iso,
amosouse orgulloso de Galicia e apuntou que sempre buscará mellorala pero non a
cambiará por nada.

O presidente electo do PPdeG puxo
a Galicia como exemplo e aos galegos como guías e, neste senso, reivindicou
“máis Galicia” fronte a muros entre territorios, ideoloxías, partidos e
políticos; fronte á soberbia, a preocupación e o egoísmo; fronte á
irresponsabilidade, a frivolidade e o bochorno. Segundo Feijóo, “máis Galicia”
é máis convivencia, máis futuro, pero tamén máis España.

UNHA GALICIA RENOVADA

O dirixente popular recoñeceu que
Galicia avanzou e mellorou moito, pero iso só mostra que os populares son
capaces de conseguir todo que queda por diante: unha Galicia que debe
consolidar a súa recuperación; que debe funcionar como unha grande capital
europea; que é o enlace de España con Portugal e de Europa con América; que se
reinventa ao tempo que conta cos seus sectores tradicionais; que debe pechar o
círculo das comunicacións para abrise aínda máis ao mundo; e unha Galicia que
debe poñer en valor o seu patrimonio, xa sexa paisaxístico, natural, cultural
e, sobre todo, demográfico.

Por iso, aposta por unha Galicia
que apoie máis que en ningures ás nais e pais que deciden ter fillos e por iso
quere unha Galicia que creza pola vía da innovación e da educación.

Por outra banda, o presidente
electo do PPdeG indicou que renovou o partido –cunha renovación do Comité
Executivo do 44,6%- e renova o seu compromiso porque cómpre estar preparados
para o que queda por diante: renovar Galicia, para dar espazo a unha nova
xeración de galegos; para identificarnos pola innovación e a tecnoloxía; para
que o que nos identifica non sexa só algo do pasado senón parte do futuro; para
non deixar de ser o que fomos e poder seguir sendo o que somos.

“Asumo hoxe este mandato co
propósito de que Galicia se renove; é dicir, se prepare, se fortaleza e vaia
por diante”, asegurou. “Fomos diante nas duras e temos que renovarnos para que
Galicia vaia por diante tamén nas maduras”, abundou.

Feijóo concluíu dando a súa
palabra de que “hoxe, coma sempre, traballarei ao máximo e pelexarei con todas
as miñas forzas por Galicia”. “Imos traballar todos xuntos co obxectivo de dalo
todo por Galicia”, sentenciou.

Rueda, a Feijóo: “Ter sido o teu secretario xeral é unha honra que non esquecerei”

Apunta que o partido está
preparado para as xerais e as autonómicas, para as que traballarán para ter o
mellor resultado

Rueda, a Feijóo: “Ter sido o teu secretario xeral é unha honra que non
esquecerei”

· “Alégrome de que teñamos ao
mellor presidente e ao mellor candidato. É unha sorte que poidamos coller en
outubro unha papeleta co nome de Alberto Núñez Feijóo” di

· Asegura que a elección
de Tellado para sucedelo é un acerto xa que coñece o
partido e sabe apreciar o traballo do que os defenden e dan a cara polas siglas
do PP

Ourense, 8 de maio de 2016.- O xa ex secretario xeral do
PPdeG, Alfonso Rueda, pronunciou hoxe o Informe de xestión da Executiva saínte,
no seu último discurso antes de dar o relevo a Miguel Tellado como novo número
dous do partido.

Rueda recordou cando Feijóo o
invitou a comezar unha aventura que duraría dez anos e como aceptou porque
percibiu nese momento que estaba diante de alguén disposto a ser valente, que
sabía que era o momento de Galicia e dos galegos. “Iso é o que me convenceu de
Alberto, e sigo vendo o mesmo”.

Así mesmo, recoñeceu a dureza dos
primeiros momentos e dos primeiros resultados electorais, pero tamén amosou a
súa satisfacción ao ver que as cousas empezaron a mellorar cada vez máis.

“Alégrome que sigas preferindo
Galicia”, dixo referíndose ao máximo dirixente do PPdeG.

Pola contra, diferenciou a
situación de unidade na que se atopan os populares fronte a partidos que buscan
candidatos que pelexan entre si e se insultan, así como os que só se plantexan
como gran obxectivo ter tres ou catro deputados para non desaparecer.

“Alégrome de que teñamos ao
mellor presidente e o mellor candidato. É unha sorte que poidamos coller en
outubro unha papeleta co nome de Alberto Núñez Feijóo”, afirmaba Rueda ao tempo
que aseveraba que o partido está en forma e preparado para as eleccións xerais
e autonómicas, para as que traballarán para ter o mellor resultado posible.

“Alberto, ter sido o teu
secretario xeral estes anos foi unha honra que non se me vai esquecer. Agardo
que perdoedes os meus erros, vos saiba devolver o voso cariño e que xuntos
sigamos traballando, crendo neste partido e chegando a grandes éxitos”, dixo.

Rueda asegurou que pese a que
pasaron dez anos dende que chegou ao seu posto a situación segue sendo difícil,
“aínda que comparados cos outros partidos temos dereito a estar eufóricos”.
Malia isto, recoñeceu que os populares non se comparan con ninguén, só con eles
mesmos. “Queda moito por facer, pero dez anos despois o PPdeG ten que seguir
saíndo a gañar”.

Tamén aproveitou a ocasión para agradecer
á organización do Congreso, comités, comisións e plataformas “que son os que dedican
horas de traballo para que todo saia adiante”.

O secretario xeral saínte non se
esqueceu de NNXX, onde comezou a súa carreira en política e aos que definiu
como a parte máis entusiasta do partido. Tampouco dos que dan a cara día a día:
alcaldes, concelleiros, vogais e aos miles de afiliados do PPdeG. “Todos seguen
aí, todos terán futuro, e sentir o seu apoio dez anos despois demóstrame que
mereceu a pena o traballo feito”.

Xa referíndose a Tellado, dixo
que o presidente, Alberto Núñez Feijóo, acertou plenamente co nomeamento. “Para
ser secretario xeral hai que coñecer ao partido por dentro, interpretalo e
saber apreciar o inmenso valor que ten o traballo do que nos defenden e dan a
cara polas siglas do PP”. Así mesmo, definiuno como “magnífico” e “boa persoa”
ao tempo que asegurou que terá a axuda de todos os presidentes provinciais
entre os que se atopa el mesmo, como dirixente na provincia de Pontevedra.

“Ata sempre, aquí sigo e grazas
de corazón “ concluíu.

Feijóo pide o voto para a súa candidatura coa “ilusión do primeiro día”

Ourense, 7 de maio de 2016.-. Alberto Núñez Feijóo pediu hoxe o voto para a súa candidatura á Presidencia do PPdeG coa “ilusión do primeiro día” e o compromiso do máximo esforzo e implicación por unha Galicia aberta e renovada onde teñen sitio todos os galegos. Compromiso que, como indicou, agarda tamén por parte da militancia, “porque –incidiu- vos necesito”.

“Dou a cara e pido o voto dos militantes do PPdeG porque me sinto lexitimado para pedir o voto de todos os galegos”, aseguraba o dirixente popular no marco do Congreso autonómico dos populares galegos, onde destacou que se sentía igual de agradecido e ilusionado que hai dez anos, cando iniciou a súa etapa como presidente da formación.

Con respecto a isto, Feijóo sinalou que a principal diferenza entre a primeira vez que presentou a súa candidatura á Presidencia do partido e a actual é a fe que ten en que os populares van a lograr o que se propoñen: “Convencido, en definitiva, de que, por moi difícil que pareza, por terceira vez consecutiva imos volver gobernar Galicia, cos votos libres e democráticos dos galegos”. 

Baixo a súa opinión, no PPdeG hai futuro, como así o demostra a nova xeración de homes e mulleres que queren participar en política e as galegas e galegos que, cando pensan en política responsable, pensan “neste partido que naceu en Galicia, no PPdeG”.

Neste senso, asegurou que volve a presentarse como candidato porque cree en Galicia e quere a Galicia; porque hai un equipo “disposto a gañar o partido”; porque non lle gusta a política actual e quere contribuír a mudala; e porque Galicia non a cambia por nada. Como sinalou, algúns dicían que “non estaría aquí se pensara que vou perder. Pois que saquen as súas conclusións porque hoxe volvo estar aquí”.

SOBRE A OPOSICIÓN
Feijóo pediu aos populares desenvolver o seu propio modelo de política porque noutros partidos non van atopar nada bo que os inspire, como sucede no PSOE, que quen se quere facer co control négase a dar a cara e busca desesperadamente a un candidato que se esnafre no seu lugar.

Por outra banda, sinalou que Podemos e Ciudadanos tampouco poden ser fonte de inspiración porque o PPdeG non queren que o controlen cun mando a distancia desde Madrid ou Barcelona. 

Pola contra, cre que no PPdeG hai un partido que coñece Galicia e un candidato que da a cara porque cre nas posibilidades deste país e no proxecto que os populares poden ofrecerlle nos vindeiros catro anos. 

O PROXECTO DO PPdeG É PARA TODOS  
Feijóo pediu aos militantes non só o voto para a súa candidatura senón tamén o seu compromiso firme do máximo esforzo e da máxima implicación, posto que a súa forma de entender política e a carón das persoas que conforman o partido. Por iso, apuntou que non se presenta a este congreso para ser o comandante ante o que todos deben pechar os ollos e dicirlle ‘si’, senón como un militante de Galicia, aberto ás críticas e ao servizo de todos.

Nesta liña, o candidato á Presidencia do PPdeG asegurou que non se presenta contra ninguén, senón a favor de todos: dos votantes do partido, dos que deixaron de darlle a súa confianza, dos que nunca o votaron, dos que están pensando en votalo por primeira vez e dos que nunca o votaron nin o votarán.

Así mesmo, sinalou que o PPdeG é o partido que máis se parece a Galicia e por iso aposta por un partido unido, porque non quere unha Galicia dividida; quere un partido que conta cos mozos, porque quere unha Galicia con futuro; quere un partido rural, porque Galicia naceu no rural e no mar; quere un partido que coida aos seus maiores, porque quere unha Galicia que non lle perda o respecto aos que fixeron posible todo o que somos; e quere un partido renovado para unha Galicia “que se vaia renovando”.

LEMBRANZAS E AGRADECEMENTOS
Feijóo tamén aproveitou a súa intervención para lembrar a dúas persoas “ás que lle debemos case todo o que é este partido”, que son Xerardo Fernández Albor e Manuel Fraga Iribarne. Do mesmo xeito, agradeceu o traballo de todas as persoas que o acompañaron desde os seus inicios no partido como son Alfonso Rueda, de quen asegurou que non só foi o secretario xeral con máis tempo no cargo senón que, baixo o seu punto de vista, foi o mellor. 

Tellado, abrumado pola confianza de Feijóo: “Serei un servidor máis do partido”

Di ser un reto relevar a Alfonso
Rueda e fíxase como obxectivo gañar e gobernar tralas vindeiras eleccións
xerais e autonómicas

Tellado, abrumado pola confianza de Feijóo: “Serei un servidor máis do
partido”

Ourense, 7 de maio de 2016.- O voceiro do PPdeG e futuro
secretario xeral do PPdeG, Miguel Tellado, dixo estar abrumado pola confianza
depositada nel por parte do presidente do partido, Alberto Núñez Feijóo, e dixo
marcarse como desafío as vindeiras eleccións xerais e autonómicas. “O reto é
gañar e gobernar”, di.

Destaca a dificultade de relevar
a Alfonso Rueda, que deixa o listón moi alto, e apunta que será “un servidor
máis do partido”. Ademais, aposta por traballar coordinadamente coas estruturas
provinciais e traballaremos “como un equipo”.

“Agardo non defraudar e estar á
altura das responsabilidades asinadas”, dixo Tellado, quen apuntou que foi na
noite de onte cando Alberto Núñez Feijóo trasladoulle a súa designación-.

O PPdeG apostará por novas rebaixas fiscais de cara ao futuro

Ourense, 7 de maio de 2016.- O PPdeG impulsará un proxecto político para Galicia renovado, coherente, realista e realizable para mellorar a calidade de vida dos galegos, abranguendo a todos os ámbitos de xestión, todos os colectivos e todos os territorios sen ningún tipo de exclusión.

Segundo recolle o manifesto “A Galicia do futuro: o camiño por percorrer”, os populares teñen agora a obriga de configurar un proxecto de futuro para o conxunto da cidadanía, que sexa inclusivo e que permita acadar un novo horizonte de oportunidades e de esperanza. Pero esa realidade debe ir acompañada de iniciativas e ideas renovadas, acordes cos novos desafíos que Galicia deberá afrontar no horizonte de 2020.

 Así mesmo, fronte ás propostas excluintes, de curto percorrido, ou de escaso espírito democrático, o PPdeG reitera a súa aposta de sempre polo galeguismo integrador e universal, que permitiu situar a Galicia entre as rexións con maior autonomía de Europa, un galeguismo que tamén enxalza e se enorgullece dos sinais de identidade que nos diferencian como pobo ao tempo que nos sentimos españois e europeos.

CRECEMENTO SOSTIDO ORIENTADO ÁS PERSOAS
Unha vez superadas as peores dificultades, é o momento de afrontar a recuperación económica co obxectivo de acadar un crecemento sostido do 2,5% anual do PIB na segunda metade desta década e reducir o desemprego na Comunidade a un 10%, o que sería unha economía ao servizo das persoas.

Para iso, Galicia completará a consolidación fiscal, cumprindo co obxectivo de estabilidade orzamentaria, reducindo a súa débeda paulatinamente e facendo fronte ás súas obrigas e pagamentos a provedores con axilidade.

Ademais, o conxunto da estratexia económica orientarase á mellora da renda das persoas, valorando novas posibles rebaixas de impostos en función da evolución dos ingresos da Comunidade Autónoma.

Por outra banda, os populares potenciarán a innovación e a internacionalización da empresa galega e promoverán a captación de investimento estranxeiro. Así mesmo, farase unha aposta polo emprendemento, que anime a posta en marcha de novas iniciativas e oportunidades, xeradoras de riqueza e emprego, con acceso preferente de pemes e microempresas a préstamos e microcréditos bonificados.

Xa en materia de infraestruturas, a segunda metade da presente década caracterizarase pola construción das estacións intermodais, tarefa que coincidirá coa posta en servizo do AVE que comunique Galicia coa Meseta. Continuarase apostando pola vertebración territorial e o fomento d mobilidade como elementos fundamentais na promoción da igualdade de oportunidades para todos a cidadanía e nese esforzo seguiremos impulsando o AVE, avanzando na integración dentro da alta velocidade da provincia de Lugo e da comarca de Ferrolterra, a través das liñas Ourense-Lugo e Ferrol-A Coruña.

Cómpre salientar que todas as propostas contempladas no ideario popular, sexan en materia de innovación, de internacionalización, de apoio ao investimento ou de dotación de infraestruturas, teñen un único obxectivo final: a creación de emprego, que debe ir da man do crecemento económico para ofrecer postos de traballo estables e de calidade.


CENTRADOS NO BENESTAR
O PPdeG continuará traballando para blindar o sistema sanitario, e seguirá defendendo a sanidade pública con máis tecnoloxía, con mellores infraestructuras e con máis prestacións, sempre cun obxectivo claro: mellorar a saúde da cidadanía galega.

O obxectivo é construír unha sanidade para as próximas xeracións, estable, segura, comprometida co benestar de todos e, responsable co uso dos recursos públicos.

Así mesmo, o PPdeG ten moi presente a calidade dos servizos sociais, e están convencidos de que a actuación para os vindeiros anos transcorrerá polos dous principais vieiros marcados nesta lexislatura: a loita contra a desigualdade social e a mudanza da tendencia demográfica. 

Para acadar ambicioso obxectivo de que Galicia sexa o mellor lugar onde nacer e onde vivir, os populares contan con dúas ferramentas chave: a Nova Axenda Social e o Programa de Apoio á Natalidade. Estas dúas iniciativas, xunto coa aposta decidida do Goberno galego por consolidar os avances conseguidos na implantación da Lei da Dependencia reforzando os servizos básicos e incorporando persoas usuarias ao sistema, serán os sinais de identidade da Galicia próspera, igualitaria e inclusiva que queremos para o futuro.

OS SECTORES ESTRATÉXICOS
Entre os obxectivos do PPdeG atópase continuar apoiando aos sectores estratéxicos da economía galega. Entre eles, destacan as iniciativas relacionadas co sector do mar, para o que os populares continuarán traballando en Europa coa fin de facer valer as súas propostas da man do sector e para que o marco regulatorio comunitario desta actividade teña en conta as particularidades e os retos deste medio en Galicia.

No tocante ao Consello Galego de Pesca, preténdese facer del unha ferramenta que sirva para fincar os piares de cada norma que saia adiante no sector marítimo-pesqueiro co obxectivo de conseguir un marco regulatorio sinxelo e aplicable.

Ademais, continuarase traballando en vías que permitan o relevo xeracional e seguirase reforzando o papel da muller dentro deste eido.

Tamén se prestará especial atención á pesca de altura e gran altura e ao marisqueo, ao tempo que se afianzará a presenza dos nosos produtos nos eidos da transformación e comercialización, facendo o traballo entre todos os elos da cadea mar-industria.

No que se refire ao medio rural, impulsarase o labor do PPdeG ao amparo do Plan de Desenvolvemento Rural 2014-2020 buscando fomentar a competitividade da agricultura galega mediante a modernización das explotacións agrícolas e forestais, incorporando á mocidade en explotacións orientadas ao mercado, ordenado o territorio e mellorando, polo tanto, a produtividade da industria agroalimentaria e forestal. Todo co obxectivo prioritario de mellorar a calidade de vida da poboación do rural, fomentando a creación de emprego e a prestación de servizos básicos que contribúan á fixación da poboación neste medio.

 A EDUCACIÓN PARA GAÑAR O FUTURO
A mellora da educación e o potenciamento da cultura galega constitúen dúas liñas estratéxicas do PPdeG para os vindeiros anos.

Para seguir mellorando en materia de educación precísase unha estabilidade normativa real, evitando as sucesivas remudas lexislativas, como as que se teñen producido ata o de agora. E ese estabilidade normativa pasa por contar cun Goberno estable e tal obxectivo só o pode garantir o Partido Popular co apoio maioritario da sociedade galega.

Ademais, adaptarase a oferta da Formación Profesional para que resulte máis acaída ás demandas de cualificación do noso sistema produtivo e apostarase por manter o apoio financeiro da Administración autonómica ao sistema universitario galego cun dobre obxectivo: mellorar a formación superior da nosa mocidade e potenciar a investigación.

En definitiva, restan aínda moitas por facer para completar a tarefa iniciada polos populares hai sete anos cando chegaron á Xunta pero quen mellor pode e sabe facelas é o PPdeG, a única forza política capaz de garantir a estabilidade, a unidade, a seguridade e a previsibilidade que debe ofrecer un Goberno para mellorar a situación dun país.

Solvencia, estabilidade e blindaxe dos servizos públicos, eixos de actuación do PPdeG

Os populares presentan “A Galicia
de hoxe: o camiño percorrido”, un balance do traballo realizado dende que
entraron no Goberno galego en 2009

Solvencia, estabilidade e blindaxe dos servizos públicos, eixos de
actuación do PPdeG dende a Xunta de Galicia

· Os últimos datos dispoñibles din que o paro rexistrado no último ano
reduciuse en máis de 20.000 persoas, cun PIB que medra ao 3,2% e a un ritmo
case inédito

· Dende o 2016,
estaremos entre as CCAA coa tributación máis baixa no IRPF e no Imposto sobre
Sucesións

Ourense, 7 de maio de
2016.- O PPdeG foi quen de garantir coa súa xestión a solvencia e a estabilidade
para Galicia blindando os servizos públicos esenciais e consolidando o
crecemento. Así se pode comprobar no manifesto “A Galicia de hoxe: o camiño percorrido”,
que os populares presentaron hoxe para facer balance sobre a situación actual e
sobre todo o traballo realizado dende que o partido chegou á Xunta en 2009.

A blindaxe e o avance do gasto
social teñen sido a folla de ruta do Goberno do PPdeG co obxectivo de por en
marcha os mecanismos necesarios para saír da peor crise económica dos últimos
anos e sen que iso levase parello ningún recorte nos servizos públicos
esenciais: a sanidade, a educación e o benestar.

Cómpre salientar que a sanidade
na nosa comunidade é pública, sostible e garantida a pesar das dificultades
económicas. Así mesmo, contamos cun sistema sanitario con mellores resultados
para a nosa cidadanía e cumpriuse co obxectivo
de melloralo con mediadas como o desenvolvendo en toda Galicia da Xestión
Integrada, dispoñendo dunha historia clínica electrónica e unha receita
electrónica que son unha referencia ou incrementándose a actividade cirúrxica
do Sergas.

Ademais,
modernizáronse as instalacións: equipáronse e puxéronse en funcionamento os
novos hospitais de Lugo e Vigo, continuouse co Plan Director do Complexo
Hospitalario de A Coruña, iniciouse a ampliación do Hospital do Salnés e do
Hospital de Ourense, actuouse en 36 centros de saúde, con outros nove en
construción, e máis en proxecto. Deste xeito, en 2016 serán sete de cada dez
galegos os que contarán na súa área de influencia cun centro sanitario novo ou
renovado.

Xa no referente a educación, as
políticas levadas a cabo polo PPdeG ao longo destes sete anos neste eido
supuxeron unha auténtica transformación do ensino en Galicia. E é que o Goberno
de Feijóo ten apostado claramente e a todos os niveis pola educación de
calidade, como un servizo público fundamental na Comunidade Autónoma. Máis
tecnoloxía nas aulas, máis centros plurilingües, taxas universitarias máis
baratas de España e novos equipamentos educativos son exemplos do interese do
PPdeG por protexer e mellorar o sistema educativo.

Á VANGARDA EN BENESTAR SOCIAL

Por outra banda,
en canto ao benestar social, hoxe podemos dicir que Galicia é unhas as mellores
rexións para vivir, con máis e mellores servizos públicos, onde a loita contra
a pobreza e a desigualdade social é un dos obxectivos prioritarios. Nese senso,
cómpre destacar que agora as políticas sociais contan cun 12% máis de orzamento
que no ano 2015.

A este
incremento orzamentario cómpre sumar as medidas incluídas no Plan Social Contra
a Desigualdade Económica orientadas a outros colectivos vulnerables. Ademais,
impulsáronse novas iniciativas de fomento da natalidade ata converter Galicia
na comunidade con máis axudas neste senso e avanzouse no eido da conciliación
da vida laboral e familiar para facilitar a aqueles que teñan decidido ser pais
ou nais.

Así mesmo, tamén
se incrementaron as prazas de maiores e persoas con discapacidade, aprobouse a
Lei de Accesibilidade e somos a primeira Comunidade que conta cunha carteira
específica para este colectivo.

A mellora que se produciu na nosa
economía permitiu que o Goberno galego se centrara na consolidación do crecemento.
Precisamente os datos do ano 2015 amosan esa tendencia, un ano no que Galicia
creceu a un ritmo do 3,2% do PIB, o mellor dato dende o ano 2007.

Así mesmo, a nosa comunidade
cumpriu o obxectivo de déficit, sendo ademais a que máis o ten reducido en 2015.
E é que dende 2013, Galicia á a segunda autonomía con menos déficit acumulado
e, grazas á xestión da Xunta, evitou ter 3.000 millóns de euros máis de débeda.

Precisamente pola mellora de
ingresos, púidose levar a cabo a maior rebaixa fiscal da historia de Galicia e,
dende o 2016, estaremos entre as comunidades coa tributación máis baixa no IRPF
e no Imposto sobre Sucesións. Unha estratexia que ademais se completou cunha
política de imposto cero no rural.

Así
mesmo, os últimos datos dispoñibles din que o paro rexistrado no último ano
reduciuse en máis de 20.000 persoas. E é que en Galicia o paro rexistrado é
menor que en 2015, pero tamén menor que todos os anos anteriores, incluído
2010.

POLÍTICAS ACTIVAS DE EMPREGO

Neste cambio no mercado laboral ten
moito que ver ter sido capaces de acometer as reformas necesarias para axudar
ás empresas cando estaban en dificultades e, ao mesmo tempo, seguir apostado
pola modernización dos sectores produtivos para mellorar a súa competitividade.
Así, foi fundamental seguir desenvolvendo políticas activas de emprego co
obxectivo de ofrecer ás persoas sen traballo máis e mellores ferramentas para
mellorar a súa empregabilidade.

Precisamente neste contexto, a
Xunta vén de aprobar a Axenda 20 para o emprego que, con 900 millóns de euros, pretende impulsar o emprego
estable e de calidade para o novo modelo produtivo de Galicia, baseado no
crecemento e no coñecemento.

Por
outra banda, o Goberno do PPdeG tivo moi presente que para minimizar os efectos da crise
e para preparar a nosa comunidade para sacar vantaxes da situación era
necesario levar a cabo proxectos centrados no apoio aos sectores estratéxicos
da nosa economía.

Nestes anos, non só se tomaron
medidas de impulso económico senón que se apostou polo impulso territorial a
través de accións centradas en garantir un crecemento sostible a medio e longo
prazo. Así, a Xunta empeñouse en facer de Galicia un territorio mellor
vertebrado e protexido.

Neste
sentido, Galicia pasou de 313 a 520 quilómetros de autoestradas, autovías e vías rápidas en servizo ao final
desta Lexislatura, con eixos que vertebran a Comunidade, melloran a calidade de
vida e incrementan a seguridade.

Tamén se deu o impulso definitivo
ao transporte metropolitano con plans en marcha na Coruña, Ferrol, Santiago,
Lugo e Vigo e o de Ourense moi avanzado, o que se traduce en 42 millóns de
viaxes subvencionadas, beneficiando a 65 concellos. É dicir, un millón e medio
de galegos e galegas xa se benefician de descontos.

Debemos sumar a
estas medidas as encamiñadas a impulsar a vertebración tecnolóxica de Galicia
como a aprobación do Plan de Banda Larga 2020 que permitirá cobertura de ao menos
30 megas para toda a poboación e de máis de 100 megas para núcleos de máis de
500 habitantes, incrementando así a calidade da conexión a Internet.

Xa para facer da comunidade un
territorio máis protexido, salienta a aprobación dunha nova lei do Solo, realizouse o maior investimento da historia da
Comunidade destinando máis de 1.000 millóns de euros a actuacións de saneamento,
depuración e abastecemento; e deuse luz verde ao Plan Director da Rede Natura
2000, co que Galicia se situou á cabeza no cumprimento da directiva de
hábitats.

Durante esta etapa deuse tamén cumprimento
ao Decreto do plurilingüismo no ensino non universitario de Galicia que
recuperou o equilibrio entre o galego e o castelán ao tempo que introduciu o
inglés.

A Galicia de hoxe atópase ás
portas dunha decisión transcendental, na que os galegos terán que elixir entre
optar por aventuras que camiñan cara á inestabilidade, o retroceso e a falta de
iniciativas ou seguir camiñando pola senda das oportunidades que só veñen da
man do Partido Popular de Galicia.

Feijóo pide o esforzo do partido para lograr a terceira maioría absoluta en Galicia

Ourense, 6 de maio de 2016.- O presidente dos populares galegos, Alberto Núñez Feijóo, asegurou hoxe que o Congreso desta fin de semana permitirá completar a renovación do PPdeG para afrontar con forza e frescura os procesos electorais. “O Congreso desta fin de semana non é o principio de nada, senón parte dun amplo proceso de renovación no que xa levamos traballando desde hai meses. Un proceso de renovación que comezou en xullo, coa elaboración dunha ponencia para poñer a punto o primordial, as ideas; que continuou despois nas catro provinciais, permitindo actualizar equipos, e que completaremos mañá e pasado para poder afrontar con máis forza e máis frescura os próximos procesos electorais”, explicou.

Por iso, cre que o partido traballará de forma intensa a partir desta fin de semana para gañara as elección xerais e para abordar o reto de conseguir unha terceira maioría consecutiva en Galicia.

Durante un encontro con NNXX, Feijóo quixo agradecer en primeiro lugar o apoio de Mariano Rajoy á súa candidatura, e expresou o seu convencemento de que o dirixente do PP nacional volverá a Galicia como presidente do Goberno tras o 26 de xuño.

Nesta liña, o líder do PPdeG convidou aos cidadáns a aproveitar as novas eleccións xerais para dar por rematado “este show” e abrir paso á política en serio. 
“Ese é o reto dos próximos comicios: facerlle saber á xente que, por moitas opcións políticas que teñan ao seu alcance, a elección é sinxela e realmente redúcese a dúas opcións”, aseverou, incidindo en que a cidadanía pode elixir: “Entre un candidato que foi honesto e dixo a verdade da situación, ou quen os enganou; entre un candidato que se implicou polo país, aínda a costa de desgastarse, ou quen non fixo nada; entre un candidato que foi xeneroso e ofreceu un pacto de maiorías para abordar unha nova transición, ou quen se negou a facelo posible por puro egocentrismo; ou entre un candidato que respecta a división de poderes e a liberdade de prensa, ou quen pretende uniformar o país e que todos pensen coma el”.

Ao longo do encontro coas Novas Xeracións do partido, Feijóo asegurou que o XVI Congreso do PPdeG que terá lugar esta fin de semana “é totalmente inédito en Galicia”. Inédito porque os prazos fixámolos desde Galicia e con tempo, non coma o PSOE que llos fixaron desde Ferraz; o candidato é galego, curioso tamén, non coma no caso de Ciudadanos, que aquí é unha organización da que só transcende o seu líder a nivel nacional; e os resultados darémolos desde Galicia e en tempo real, non desde Zaragoza e con dous días de marxe para contar os votos como fixo Podemos.

O PPdeG, EXEMPLO DE RESPONSABILIDADE
Feijóo fixo fincapé en que esta fin de semana pedirá o apoio do partido para unha alta responsabilidade: presidir o primeiro partido de Galicia para poder presidir Galicia. E, nesta liña ofreceu unha política responsable e expresou o seu convencemento de que o único partido que lla pode garantir a Galicia é o PPdeG. “Creo que podo ofrecer esa política responsable e creo que o partido que máis e mellor pode ofrecela é este”, sentenciou.

Lonxe de concordar coa política actual, marcada pola frivolidade e a superficialidade, o líder dos populares galegos comprometeuse a facer outra política diferente, desde a experiencia, a perseverancia e o esforzo. “Estou orgulloso de presentarme á Presidencia dun partido que aspira á Presidencia da Xunta”, dixo, en contrapunto aos que aspiran a sumar votos para apartar do poder á lista máis votada.

Feijóo dixo non ser un candidato de laboratorio, forxado nos platós de televisión, pero si unha persoa seria disposta a traballar por Galicia dende Galicia.

Ademais, o candidato á Presidencia do PPdeG recibiu de mans do presidente do partido, Mariano Rajoy, o aval impreso e firmado de cara ao Congreso que arranca mañá, nun xesto de apoio e respaldo expreso do tamén titular do Goberno central ao propio Alberto Núñez Feijóo.