Santiago, 22 de novembro de 2019.- O Parlamento de Galicia aprobou hoxe por unanimidade unha proposición non de lei do Grupo Popular a través da que se demanda ao Goberno central que, tendo presente os datos nos que aprecia que o bonito se atopa en boa situación biolóxica, reivindique un incremento das posibilidades de pesca para esta especie e estude unha mellor xestión e reparto de cota que permita alongar a campaña de bonito, canto menos, ata o mes de setembro.
Tellado tacha de “clamorosos” os silencios de Sánchez e Caballero ante os casos de corrupción do PSOE
22, novembro, 2019. O secretario xeral do PPdeG, Miguel Tellado, tacha de “clamorosos” os silencios de Sánchez e Caballero ante os casos de corrupción do PSOE. Así se expresaba referíndose á sentencia dos ERE coñecida esta semana, que fala dun modelo de corrupción sistémica, orquestrada desde un Goberno autonómico que serviu para desfalcar 680 millóns de euros de todos os cidadáns.
O Grupo Popular solicita a Fomento que adopte medidas definitivas que garantan a seguridade na N-120 entre Monforte e Ourense
Santiago, 22 de novembro de 2019.- A deputada do Grupo Popular Julia Rodríguez vén de rexistrar unha proposición non de lei no Parlamento galego a través da que se demanda ao Ministerio de Fomento que adopte as medidas definitivas que permitan garantir a seguridade viaria na estrada N-120 no tramo entre Ourense e Monforte, como a dotación de carrís adicionais que eliminen os riscos existentes na actualidade e a consolidación definitiva dos noiros das marxes desta estrada.
O Grupo Popular demanda coherencia ao BNG para que non critique agora o que propuxo para a Illa de San Simón cando gobernaba na Xunta
Santiago, 21 de novembro de 2019.- O deputado do Grupo Popular Alberto Pazos criticou hoxe que o BNG “pretende facer unha emenda á totalidade á súa propia biografía política variando totalmente o que propuxo para a Illa de San Simón cando gobernaba na Xunta”, polo que demandoulles “coherencia, porque o actual Goberno galego está a cumprir as concesións de uso desta illa, que determinan os usos culturais e docentes, e fundamentados sobre os principios de gratuidade e acceso público”.
O Parlamento galego esixe a Renfe que mellore as conexións ferroviarias entre Galicia e Barcelona
Santiago, 21 de novembro de 2019.- O Parlamento galego aprobou hoxe por unanimidade unha proposición non de lei do Grupo Popular a través da que se demanda ao Goberno central para que esixa a Renfe que desista de implantar calquera modificación que represente un incremento no tempo da viaxe ou unha diminución do confort dos viaxeiros no tren nocturno que une Galicia con Barcelona, ao tempo que leve a cabo actuacións de mellora nas conexións entre Galicia e Barcelona, tanto nas frecuencias como na duración da viaxe e no confort dos viaxeiros.
O Grupo Popular salienta que o proxecto de lei de garantía de abastecemento de auga persegue que as fugas sexan inferiores ao 20%
Santiago, 21 de novembro de 2019.- O portavoz de Medio Ambiente do Grupo Popular, Gonzalo Trenor, afirmou hoxe que o proxecto de Lei de medidas de garantía do abastecemento nos episodios de seca e nas situacións de risco sanitario, cuxo ditame foi aprobado hoxe na Comisión 2ª e queda pendente da súa aprobación definitiva en Pleno, obriga á realización de auditorías e plans de actuación sobre as perdas nas redes de abastecemento, co obxectivo de que as fugas se sitúen por baixo do 20 por cento, fronte ao 40 por cento que se estiman na actualidade.
O PPdeG afirma que a Xunta traballa no novo decreto que regulará o acceso directo a vivendas de promoción publica de persoas con discapacidade
Santiago, 21 de novembro de 2019.- O portavoz de Vivenda do Grupo Popular, Jaime Castiñeira, avanzou hoxe que a Xunta está a tramitar o decreto que regulará a posibilidade de acceso directo ás vivendas de promoción pública de persoas con discapacidade física ou intelectual que, por resolución xudicial, non teñen plena capacidade de obrar.
O PPdeG defende, para paliar a falta de profesionais sanitarios, eliminar a taxa de reposición e modificar o decreto de formación de especialistas
Santiago, 20 de novembro de 2019.- O portavoz de Sanidade do Grupo Popular, Aurelio Núñez Centeno, afirmou hoxe no Parlamento que no PPdeG “estamos a favor de calquera medida que poida paliar a difícil situación da falta de profesionais nalgunhas áreas sanitarias” e considerou “solucións reais a eliminación da taxa de reposición, a homologación de profesionais médicos extracomunitarios ou a modificación do decreto de formación de especialistas, medidas que foron postas enriba da mesa no Consello Interterritorial pero foron esquecidas polo Goberno socialista”.
O Parlamento galego aproba por unanimidade diversas medidas contra a violencia sexual
Santiago, 20 de novembro de 2019.- O Parlamento de Galicia aprobou hoxe por unanimidade unha proposición non de lei do Grupo Popular, transaccionada co resto dos grupos da oposición, que recolle diversas medidas de loita contra a violencia sexual.
O PPdeG apoia no Parlamento que se reconsidere a participación de deportistas en competicións feitas en países que vulneren os dereitos fundamentais da súa cidadanía
Santiago, 20 de novembro de 2019.- O Parlamento galego aprobou hoxe, logo do apoio do Grupo Popular, solicitar ao Goberno central traballe para acadar un consenso internacional para a reconsideración da participación de mulleres e homes deportistas en competicións deportivas organizadas por países nos que se vulneran os dereitos fundamentais da súa cidadanía, especialmente os das mulleres, eliminando así toda discriminación por razón de sexo nos países acolledores de eventos deportivos.