Categoría: PP de Galicia

O Grupo Popular demandará no Pleno da vindeira semana que o Goberno central dote a Galicia dos trens Avril suficientes para prestar un servizo ferroviario de calidade e competitivo, e que proceda ao traspaso inmediato dos medios materiais e persoais necesarios para que a Comunidade galega poida xestionar as competencias sobre o litoral e, deste xeito, poder outorgar as correspondentes concesións.

Ao remate da Xunta de Portavoces, o portavoz popular, Alberto Pazos, informou que na vindeira sesión plenaria xurarán ou prometerán o seu cargo nove novos deputados do Grupo Popular: Paula Mouzo, de Camariñas; Encarna Amigo, de Cervantes; Nicole Grueira, de Pol; José Luís Ferro, de Celanova; Víctor Baladrón, de Verín; Cristina Campero, de Xinzo de Lima; Juan Manuel Casares, de Ourense; Miguel Fidalgo, de Vigo; e Felisa Rodríguez, de Mos.

TRENS AVRIL SUFICIENTES

Alberto Pazos manifestou que neste Pleno comezarán as comparecencias dos conselleiros para dar conta dos proxectos e obxectivos dos seus departamentos. En concreto, nesta ocasión comparecerá o conselleiro de Cultura, Lingua e Xuventude, para dar conta das liñas xerais de actuación do seu departamento.

Dentro do apartado de proposicións non de lei, Pazos sinalou que “o Grupo Popular defenderá dúas iniciativas sobre cuestións que máxima actualidade e interese para a Comunidade galega”. “En primeiro lugar, e coa esperanza de que finalmente sexa realidade que a chegada dos trens Avril a Galicia se produza o vindeiro 21 de maio, imos insistir na necesidade de que se dote a Galicia do número suficiente de trens para garantir que o AVE chegue a todas as cidades galegas, acompañados dunha mellor oferta de frecuencias que garantan uns servizos de calidade e competitivos”, indicou.

Neste sentido, subliñou que “estamos fartos dos incontables enganos do Goberno de Pedro Sánchez a Galicia, xa que levamos escoitado moitas datas para a chegada dos trens Avril á rede ferroviaria galega, polo que esperamos que a do vindeiro 21 de maio sexa a definitiva, pero seguiremos insistindo en que Galicia conte co número de unidades suficientes para garantir un servizo de alta velocidade ferroviaria competitivo, capaz de estenderse a todo o territorio galego e con frecuencias suficientes para atender a demanda dos galegos”.

En segundo lugar, o Grupo Popular reiterará no Pleno a esixencia ao Goberno de Pedro Sánchez para que proceda ao traspaso inmediato dos medios materiais e persoais necesarios para xestionar as competencias en materia de costas, e para, deste xeito, estar en disposición de poder outorgar as concesións correspondentes.

TRASPASO DE MEDIOS PARA XESTIONAR O LITORAL

“Lamentablemente, tivemos que esperar á sentenza do Tribunal Constitucional para que o Goberno de Pedro Sánchez recoñecera que Galicia xa conta coas competencias en materia de costas, algo que sorprendentemente parece non entender os nacionalistas galegos, que seguen insistindo, e sería a terceira vez que o fan, desprezando o recollido no noso Estatuto de Autonomía, na necesidade de recorrer á tramitación dunha proposición de lei no Congreso para o traspaso dos medios materiais e persoais para a xestións das competencias en materia de costas”, sinalou Alberto Pazos.

Deste xeito, matizou que “agora falta que o Goberno de Pedro Sánchez axilice o traspaso dos medios materiais e persoal necesarios para a xestión do litoral, de xeito que a Xunta poida proceder a exercer plenamente as súas competencias e levar adiante todos os procedementos que se viron paralizados pola decisión da presentación do recurso ante a Lei galega aprobada neste Parlamento en xullo de 2023”.

Dentro do apartado de preguntas ao Goberno galego, o Grupo Popular interesarase, en primeiro lugar, pola recente viaxe que o Presidente da Xunta realizou a Arxentina, durante a que visitou diferentes empresas pesqueiras de capital galego alí afincadas e reafirmou o apoio do Goberno galego ao sector mar-industria, como un dos motores da economía galega e arxentina.

En segundo lugar, preguntará sobre o calendario previsto pola Xunta para implantación da gratuidade das primeiras matrículas de grao na universidade pública galega, unha iniciativa anunciada polo Presidente Rueda durante a pasada campaña electoral e que, segundo o anunciado, será realidade co inicio do vindeiro curso 2024-2025; para terminar coa solicitude dunha valoración do Goberno galego respecto das peaxes que se están a aplicar nas autoestradas AP-9 e AP-53, que, despois dos anuncios de gratuidade realizados polos socialistas na pasada campaña ás eleccións galegas, volveron liderar este ano o incremento tarifario de todo o Estado, cunha suba do 6,55 por cento para a AP-9 e un 5,07 por cento para a AP-53.

O PPdeG reuniu hoxe ao seu Comité de Cidades en Santiago de Compostela co punto de mira posto nas vindeiras eleccións europeas para “comezar a traballar nesa convocatoria que temos o día 9 de xuño propoñendo máis Galicia e máis España en Europa”.

A secretaria xeral do PPdeG, Paula Prado, recalcou o papel fundamental que as cidades galegas xogan nestas eleccións: “Teñen moito que dicir en Europa, expoñerse como cidades vangardistas e á vez como garantes da concordia e do sentido común, algo que neste momento só asegura o PP”.

Os cidadáns galegos terán que decidir “se queren máis Galicia en Europa e máis España en Europa ou se prefiren, como propuxeron o PSOE e o BNG nesta lexislatura, atender máis ás demandas dos independentistas e dos nacionalistas, que ás verdadeiras solucións aos problemas reais dos galegos e das galegas”.

Nese sentido, Prado destacou a excelente presenza coa que conta Galicia na candidatura do Partido Popular para as eleccións ao Parlamento Europeo: “Para representarnos, ninguén mellor que o pontevedrés Francisco Millán Mon, que xa leva anos traballando como eurodeputado, defendendo magnificamente ben os intereses de Galicia en Europa”.

A representación galega non remata aí, xa que tamén será candidato Adrián Vázquez, “un lalinense que tamén exerce de galego”. Bo exemplo dan as súas aportacións na Comisión de Agricultura, centrándose na resolución e defensa de problemas de Galicia. Ademais, é así mesmo candidato o coruñés Pablo Gómez Cedrón, un dos novos valores do Partido Popular.

O PPdeG ASEGURA QUE NON DEIXAR GOBERNAR Á LISTA MÁIS VOTADA É O DESENCADEANTE DOS PROBLEMAS NALGUNHAS CIDADES GALEGAS

Paula Prado teno claro: “Entre todos faremos máis Galicia en Europa e neste Comité de Cidades falamos principalmente dos temas que ás cidades lles preocupa”.

“Hai algo menos dun ano, nas eleccións municipais, os veciños e veciñas de 5 das 7 cidades de Galicia decidiron votar maioritariamente ao PP, pero os pactos de conveniencia do PSOE e do BNG nalgunhas fixeron imposible que non gobernara o PP”, engadiu a secretaria xeral do PPdeG.

Hoxe, dixo, abundan os exemplos de que non deixar gobernar á lista máis votada e formar estes novos gobernos non deu solución aos problemas reais dos cidadáns.

En Lugo, “xa non está a alcaldesa que se presentou ás eleccións e vemos constantemente líos entre os socios do goberno do bipartito”; na Coruña, “o goberno está arrinconado polas súas tramas urbanísticas, pola corrupción e tamén pola inseguridade cidadá” e, en Santiago de Compostela, o BNG “continúa gobernando co seu baluarte de sectarismo tendo só 6 dos 25 concelleiros”.

Fronte a este barullo, eríxese a cidade de Ferrol, con maioría absoluta do PP. “Hai un Goberno que ten moi claras as políticas para a cidade, crece en poboación e realmente atende día a día o que demandan os veciños”.

O presidente do PPdeG, Alfonso Rueda, salientou hoxe que o peso de Ourense na estrutura do novo Goberno galego responde á importancia que esta provincia ten á hora de facer que Galicia funcione e siga facéndoo aínda con maior intensidade ao longo desta nova lexislatura.

Así o asegurou hoxe na reunión da Xunta Xestora Provincial do PP de Ourense, na que tamén participaron o responsable de Emprego, Comercio e Emigración, José González, e o resto de novos altos cargos ourensáns da Administración autonómica: Marisol Díaz Mouteira (directora xeral de Patrimonio Natural), Gabriel Alén (director xeral de Comercio e Consumo), Victoria Núñez (directora da Axencia de Protección da Legalidade Urbanística) e Iago Borrajo (secretario xeral técnico da Consellería de Vivenda e Planificación de Infraestruturas).

Cómpre salientar tamén a continuidade de Miguel Santalices como presidente do Parlamento de Galicia, así como de Antonio Rodríguez Miranda (secretario xeral de Emigración), José Manuel Merelles (director da Axencia de Turismo de Galicia), Ana Méndez (xerente de Galicia Calidade), Pablo Fernández Vila (director xeral de Planificación Enerxética e Recursos Naturais), Judith Fernández (directora xeral de Ordenación e Innovación Educativa) e Sonia Rodríguez-Campos (directora da Escola Galega de Administración Pública) e Belén Gómez (xefa da Área de Turismo Termal).

A todos eles o líder dos populares galegos pediulles responsabilidade, esforzo e compromiso; reafirmando así mesmo a súa aposta persoal por cumprir a palabra dada no que respecta á provincia e as propostas electorais formuladas durante a campaña. Unha aposta que se traduce na súa decisión de acompañarse dun equipo que, tal e como asegurou, traballará ao estilo de Ourense.

Agradecendo novamente os resultados electorais acadados na provincia, o presidente Rueda asegurou que os ourensáns terán voz no lugar onde se toman os decisións e terán ademais a 8 defensores de Ourense no Parlamento galego.

Na reunión tamén interviñeron os novos conselleiros do Goberno galego, María Martínez Allegue, Antonio Gómez Caamaño, José López e María José Gómez, que se deron así a coñecer entre o partido provincial e fixeron unha breve presentación das liñas mestras dos seus departamentos.

LUIS MENOR PIDE “TRABALLO E DEDICACIÓN” AOS NOVOS CARGOS

Pola súa banda, o líder provincial do partido, Luis Menor, agradeceu ao presidente Rueda “a confianza depositada nas mulleres e homes do PP de Ourense elixidos para formar parte do goberno galego” e afirmou que “responderán con traballo e dedicación para contribuír a desenvolver o estilo Galicia”. Con todo, pediu aos novos cargos que “non esquezan que tamén representan a Ourense e a un partido que sempre está baixo a mirada atenta dos ourensáns”.

Para Luis Menor, esa atención da cidadanía “parte da necesidade de ter alternativas”, destacando que nas eleccións autonómicas “os electores puideron comprobar que o PP de Ourense estaba forte e ofrecía un proxecto serio e rigoroso”. Algo que se reflectiu nos bos resultados obtidos nas autonómicas, “onde un de cada dous ourensáns votaron ao PP”.

“Os votos pídense, pero logo débense”, advertiu neste sentido antes de incidir en que chegou o momento de comezar a cumprir os 12 compromisos adquiridos durante a campaña electoral para desenvolver proxectos na cidade de Ourense. “Farémolo coa axuda de Alfonso Rueda e do novo goberno representado hoxe aquí na figura das novas incorporacións e aos que felicito publicamente”, concluíu.

Galicia non se entende sen a súa costa. Non en van, somos a comunidade autónoma marítima por excelencia, co litoral máis longo de toda España, e dispoñemos dun dos ecosistemas mariño-costeiros máis variados e ricos do mundo. A esta riqueza ambiental súmase unha beleza paisaxística excepcional.

Uns extraordinarios valores ambientais do litoral que deben ser obxecto de especial protección. Estamos a falar de 2.500 quilómetros de costa, 40.000 postos de traballo e 9.000 millóns de euros de actividade económica, o que supón case un 5% do PIB da Comunidade.

Unha costa única no mundo e que Galicia quere e pode xestionar, xa que conta desde hai anos coas competencias de ordenación. Así o recoñece o noso Estatuto de Autonomía, e así o ratificaron o Consello Consultivo e o Tribunal Constitucional.

O Tribunal Constitucional vén de avalar por unanimidade a Lei de ordenación do litoral, unha norma feita por e para Galicia, que aposta por unha xestión integrada desde unha tripla perspectiva: ambiental, social e económica, seguindo o camiño que marca Europa. E que ademais persegue a xestión sostible da nosa costa tanto no ambiental como no socioeconómico, promulgada desde onde mellor se coñece.

Tras este respaldo xudicial, agora é o momento de recuperar os meses perdidos debido ao recurso do Goberno central. Un recurso máis político que xurídico, e que é un claro exemplo da diferenza de trato a Galicia con respecto a outras comunidades, coas que si dialogou e chegou a acordo, como Cataluña, Illas Baleares e o País Vasco.

A sentenza do Alto Tribunal avala que a norma galega é plenamente constitucional, fronte a todos os que a definiron como unha auténtica declaración de independencia. Deixa claro que non é necesario reformar o noso Estatuto e pon de manifesto a pouca altura de miras da oposición galega, BNG e PSOE, que deixaron pasar a oportunidade de apoiar unha norma vital para Galicia e para o seu desenvolvemento, só por buscar rédito político.

Ábrese, neste momento, un tempo novo para Galicia. O tempo de xestionar o noso litoral con todas as garantías e con toda a seguridade. É o momento de aportar seguridade xurídica ás empresas e á cidadanía, e de poñer fin a situacións incomprensibles que tratan de borrar toda presencia humana no litoral.

É a hora de recuperar o tempo perdido e de comezar a aplicar o antes posible a lei, sempre en beneficio de Galicia e do seu futuro. E tamén de esixir ao Goberno central o inmediato traspaso de medios materiais e persoais para que a Xunta poida outorgar as concesións no dominio público marítimo-terrestre.

Galicia merece poder empezar a xestionar a súa costa sen atrancos. Favorecendo o mantemento das vilas litorais que viven do mar, garantindo o desenvolvemento das súas actividades por medio da explotación sostible, equilibrada e responsable dos recursos. Todo isto tendo como base un asesoramento científico sólido e tendo en conta os aspectos ambientais, económicos e sociais.

Galicia xa o sabía, pero agora xa o sabe todo o mundo: cumprindo cos preceptos establecidos pola Unión Europea, a Lei de ordenación e xestión integrada do litoral é o mellor para a nosa Comunidade e para o noso futuro.

Como defendemos sempre desde o Partido Popular: Galicia sae gañando. É o momento de xestionar o noso litoral.

O Partido Popular de Galicia deu hoxe luz verde ao seu Comité de Campaña para as eleccións europeas, que contará con Paula Prado como directora de campaña e que buscará poñer a disposición dos galegos propostas en positivo e un proxecto apegado ás súas necesidades.

Así o acordou esta tarde o Comité de Dirección do PPdeG, encabezado polo presidente Alfonso Rueda, nunha reunión celebrada na sede autonómica do partido e na que, entre outros asuntos, se deu un último repaso aos resultados electorais do 18 de febreiro.

“Conseguimos en total máis de 700.000 votos. O que supón máis dun 47% do total, 84.000 votos máis que en 2020 e 30.000 votos máis que o PSOE e o BNG xuntos”, lembrou Paula Prado ao tempo que remarcaba que o PPdeG foi “o partido preferido pola xente nova e o que aglutinou maior voto feminino”.

A número dous dos populares galegos engadiu a este respecto que se trata dun resultado “absolutamente lexítimo” fronte ao que pretende facer ver unha oposición que “segue sen asumir a súa derrota”. Unha oposición que, ademais, tampouco é capaz de pedir desculpas “pola súa negativa á Lei do litoral de Galicia”.

“O Goberno galego fixo unha lei necesaria para protexer a nosa costa, para encontrar un equilibrio entre o medio ambiente e a actividade económica, e esta semana foi avalada polo Tribunal Constitucional”, explicou ao tempo que anunciaba que “solicitaramos de xeito inmediato o traspaso dos medios materiais e persoais para xestionar a nosa costa”.

Paula Prado subliñou que, con esta sentenza do Tribunal Constitucional, “Galicia gañou e Sánchez volveu naufragar aquí”. Incidindo acto seguido na “deriva” na que están sumidos tanto Pedro Sánchez como o seu goberno.

Precisamente ao fío do tempo de reflexión que se vai tomar o presidente do Goberno, Paula Prado ironizou con que “para Galicia non vai cambiar moito o conto” na medida en que “Sánchez leva xa moito tempo desaparecido de Galicia e sen atender aos problemas dos galegos e galegas”.

“A estas alturas pouca xente cre xa en Sánchez, que no día de hoxe tiña que estar dando explicacións dunha trama que envolve a un bo número de membros do Goberno de España”, asegurou recordando o positivo que sería para Galicia que “algún día se dignase a aparecer con fondos europeos, bos proxectos ou  novas infraestruturas”.

Todo isto fai concluír á secretaria xeral do PPdeG que os recentes acontecementos  que envolven ao presidente do Goberno “responden a unha planificación e a un interese persoal” máis que a calquera outra cuestión.

A secretaria xeral do PPdeG, Paula Prado, amosou hoxe a súa satisfacción co Goberno designado esta semana polo presidente Alfonso Rueda, ao que definiu como “un Goberno ao estilo de Galicia, que non pensa nuns poucos, senón en todos os galegos e galegas e que recolle o mellor do pasado para blindar o noso presente e construír o noso futuro”.

“O novo Goberno do presidente Rueda devolve á maioría dos galegos a confianza que depositaron no noso proxecto e ofrécelles a cambio responsabilidade, esforzo, compromiso e traballo”, explicou neste sentido.

Na rolda de prensa celebrada esta mañá na sede autonómica do PPdeG, a número dous dos populares galegos subliñou que Alfonso Rueda “dixo que Galicia funcionaría desde o primeiro día e así foi”, do mesmo xeito que “dixo que cumpriría a palabra dada e así o está facendo”.

Algo que exemplificou en que, transcorrida esta primeira semana desde a toma de posesión do novo Executivo galego, moitos dos compromisos adquiridos polo presidente para os primeiros 100 días da lexislatura “xa pasaron de ser palabras para converterse en feitos”.

É o caso da gratuidade para os gastos de adopción de animais de compañía, a creación da rede de dinamización cultural no rural, a construción das 375 primeiras vivendas de promoción pública, a ampliación ata os 45 anos da idade de acceso á fecundación in vitro ou a gratuidade das matrículas universitarias.

O “GOBERNO DE FICCIÓN” DO BNG

Paula Prado referiuse tamén á “ensoñación” protagonizada esta semana por Ana Pontón ao presentar un “goberno de ficción”. Algo que demostra, na súa opinión, non só que “segue sen asumir que os galegos non apoiaron as súas aspiracións presidenciais”, senón que “aparte das eleccións, tamén perdeu as ideas”.

Recordou así que Xosé Manuel Beiras, logo da derrota electoral do BNG nas eleccións autonómicas de 1997, presentara tamén o seu propio “goberno alternativo” e “todos sabemos como rematou aquela historia”.

“Cando a señora Pontón fala de gobernos na sombra, eu supoño que se refire a aquelas persoas das que se acompañaría pero que non se atreve a presentar publicamente”, afirmou antes de nomear a Arnaldo Otegi como “responsable das Forzas Armadas”, a Oriol Junqueras como “responsable de Institucións Penitenciarias”, a Carles Puigdemont como “responsable de Asuntos Exteriores”, a Pernando Barrena como “asesor de confianza” e a Néstor Rego como “alto mando dos coroneis da UPG”.

Estes serían, segundo a número dous dos populares galegos, “os verdadeiros compañeiros de viaxe de Ana Pontón na súa viaxe sen final cara a Presidencia da Xunta de Galicia” aínda que “ela nunca se atrevería a recoñecelo publicamente”.

“Do mesmo xeito que en campaña agochou o seu programa electoral, segue agochando as súas verdadeiras ideas e alianzas. Pero os galegos non se deixan enganar e por iso non confiaron nas propostas de goberno do BNG nin hai 30 anos nin agora”, concluíu a este respecto.

“PEDRO SÁNCHEZ SÓ ACERTA CANDO COPIA AO PP”

Ante o anuncio realizado esta semana por Pedro Sánchez de ampliar os programas de cribado neonatal a nivel nacional ata incluír 11 probas, Paula Prado sostén que se trata dun anuncio que “antes de facerse realidade xa resulta insuficiente”.

“Fronte ás 11 probas que ofrece Pedro Sánchez, Galicia xa conta co programa de cribado neonatal máis amplo de España e un dos primeiros de Europa: inclúe actualmente 48 probas e este ano incorporará 3 novas patoloxías”, explicou antes de concluír que “está ben que Sánchez copie a Galicia, pero é unha pena que copie mal”.

Pediulle así que copie tamén outras medidas do Goberno galego e cuestións como a xestión das autoestradas, xa que, mentres as autopistas de titularidade autonómica volven ter as peaxes conxeladas por segundo ano consecutivo, as que dependen do Goberno de España –a AP-9 e a AP-53– “rexistraron este ano a maior subida das peaxes da historia”. Ao que habería que engadir ademais que o ministro de Transportes “vén de resucitar o plan oculto de Pedro Sánchez para facernos pagar polo uso de autovías”.

“Pedro Sánchez só acerta cando copia ao Partido Popular. Porque cando lle toca a el facer o exame, o resultado é sempre o suspenso e quen paga as consecuencias, por desgracia, é sempre Galicia”, subliñou.

Ante todo isto, Paula Prado concluíu que os galegos teñen á súa disposición tres modelos: “O Goberno de ficción dun BNG que segue pensando no pasado, o Goberno dun Pedro Sánchez que está a lastrar o presente de Galicia coas súas decisións, e un Goberno presidido por Alfonso Rueda que pensa no futuro da nosa Comunidade e traballará durante os próximos catro anos para construír a Galicia da próxima década”.

El presidente del PPdeG, Alfonso Rueda, aseguró hoy que “el secreto del éxito de Galicia” radica en la combinación de ser un territorio abierto, orgulloso de su identidad y de formar parte de España, y que goza de unos servicios públicos que funcionan porque están gestionados desde el sentidiño.

Durante su intervención en el acto ‘Sociedad Abierta’ organizado por el PP Vasco y encabezado por el candidato popular a las elecciones vascas, Javier de Andrés, el líder de los populares gallegos remarcó las “muchas coincidencias” que existen entre los comicios celebrados en Galicia y los que se celebrarán en Euskadi.

“Por un lado, un PSOE totalmente entregado y bajado de brazos, al que sólo le importaba que no ganase el PP, aunque eso supusiese dejar Galicia en manos del nacionalismo independentista. Por otro, un partido que es socio de Bildu y que durante la campaña negaba un programa que ahora ya no se molesta en ocultar, con aspiraciones como la autodeterminación o la imposición monolingüística”, explicó en este sentido.

Rueda animó a sus compañeros en el País Vasco a “seguir defendiendo con firmeza, con principios y con convicción” aquello en lo que creen y tomando de Galicia el ejemplo de que “se puede defender tu tierra desde un sentimiento de identidad, pero sin exclusiones ni arrinconamientos”.

“Si se le pregunta a un gallego si se siente más gallego o español, contestará que se siente orgullosamente gallego y español”, añadió subrayando que si el PPdeG es el partido que más se parece a Galicia es porque “nunca hemos renunciado a nada de lo nuestro, ni hemos levantado un muro entre nosotros y el resto”.

El presidente subrayó en clave autonomista que “no es necesario desear que a otros le vaya mal para que a uno le vaya bien” porque “lo nuestro es lo de todos y Galicia crece porque crece el conjunto de España”.

“El sentidiño es lo que nos hace ganar elecciones”, afirmó a la hora de explicar cómo gestionar los servicios públicos haciéndolos referentes. A este respecto apuntó que “es posible bajar impuestos, ser puntero en sanidad, avanzar en educación y ser competitivos” pero para eso hace falta “gobernar y gestionar” y la única garantía de ello son los gobiernos del Partido Popular.

LAS POLÍTICAS QUE FUNCIONAN

Alfonso Rueda ejemplificó la buena gestión del Gobierno gallego en sus políticas a favor del retorno, que han permitido que 30.000 gallegos en el extranjero hayan vuelto a Galicia y con ello han contribuido, además, en términos demográficos, a invertir el descenso vegetativo.

“Sigue muriendo más gente de la que nace, pero si eres una tierra abierta y consigues que la gente vuelva, consigues aumentar en número de habitantes como lo hizo Galicia el año pasado”, explicó incidiendo también en la importancia de políticas de natalidad como la implantación de la gratuidad de la educación infantil de 0 a 3 años o la equiparación de las familias con dos hijos a las familias numerosas a efectos fiscales.

A secretaria xeral do PPdeG, Paula Prado, fixo hoxe un balance do debate de investidura no que Alfonso Rueda foi designado como presidente da Xunta de Galicia amosando a súa tranquilidade ante o “programa de goberno a longo prazo” presentado polo presidente e o compromiso de “cumprir a palabra dada” manifestado durante a campaña e reiterado estes días: “Fronte aos do non a todo, seguiremos sendo o único partido do si a Galicia”.

“O presidente Rueda presentouse ante os galegos coa experiencia de quen leva anos traballando polo benestar dos galegos, coa responsabilidade de quen é consciente do moito que acadamos xuntos e dos retos que temos por diante, e coa ilusión de quen quere encabezar o proxecto colectivo de construír a Galicia da próxima década”, afirmou.

A número dous dos populares galegos definiu acto seguido ao presidente como “un humilde camiñante que se compromete a gobernar con palabra e a traballar pola Galicia que funciona” e apuntou que este compromiso “se materializa nun programa pensado para as persoas, destinado a facer prosperar a nosa Comunidade e que marca o camiño a seguir cada a Galicia do futuro”.

“Todo o que foi dito será feito”, remarcou ao tempo que enumeraba algunhas das medidas recollidas neste programa como a extensión da fecundación in vitro ata os 45 anos, o incremento do número de prazas públicas en residencias para maiores, a posta en marcha dunha axuda para financiar os gastos das actividades extraescolares, a implantación da gratuidade na totalidade do ciclo educativo, o aumento do parque público de vivenda ou a posta en funcionamento de Centros de Información á Muller móbiles.

“AOS GALEGOS NON LLES GUSTA QUE LLES MINTAN”

A secretaria xeral do PPdeG afeou aos partidos da oposición que xa tivesen decidida a súa postura antes de escoitar ao presidente Rueda e ironizou con que nin o BNG nin o PSdeG obtiveron o apoio dos galegos nas urnas porque “se presentaron ante eles agochando o seu programa ou presentándose co programa doutros”.

Afirmou que Ana Pontón “segue sen entender nada” e así o acreditou onte no debate de investidura: “Segue presentándose como sempiterna candidata a unha investidura hipotética que nunca chega por moito que a busca e, ademais, nótase que non sabe o que é unha maioría porque segue sen asimilar que foi Alfonso Rueda quen gañou as eleccións por maioría absoluta”.

Neste sentido recomendoulle que “dedique menos tempo a faltar o respecto aos máis de 700.000 votantes do PPdeG e máis tempo a reflexionar sobre os motivos que a levaron a engadir catro anos máis ás súas dúas décadas na oposición”.

“Aos galegos non lles gusta que lles mintan e por iso non apoiaron o verdadeiro programa do BNG. Ese que agocharon tras o seu falso disfrace de moderación e que propoñía a independencia de Galicia, a imposición do monolingüismo nas aulas, a eliminación das provincias ou a expulsión das Forzas e Corpos de Seguridade do Estado”, explicou.

“OS SOCIALISTAS GALEGOS NIN SE ESFORZAN EN TER UN PROXECTO PROPIO”

No caso do PSOE galego, explicou Paula Prado, “xa non é que agochen o seu programa, senón que nin se esforzan en ter un proxecto propio”. O programa do PSdeG, concluíu, é “o programa de Pedro Sánchez”.

“Onte víronse as poucas ganas que ten o portavoz socialista de defender ao seu partido no Parlamento. Está claro que se lle vía moito máis enérxico cando participaba nas reunións da comisión negociadora da amnistía de Cataluña”, subliñou.

A número dous dos populares galegos fixo así un chamamento a que o PSOE “retome a senda do diálogo e, sobre todo, loite por Galicia cando se trata de esixir a Sánchez cuestións tan importantes como a gratuidade da AP-9 ou a chegada da Alta Velocidade a toda a Comunidade”.