Santiago, 28 de setembro de 2016.- O presidente do PPdeG, Alberto Núñez Feijóo, destacou a reacción dos populares galegos tralas pasadas eleccións municipais como clave da vitoria nas autonómicas xa que “o partido volveu á rúa”. Así remarcou que agora volven saber conectar co que sempre aspiraron a ser: o partido que máis se parece a Galicia, galeguistas, reformistas, e comprometidos.
Feijóo pide votar o domingo ao que une á gran maioría: estabilidade, responsabilidade, moderación, respecto, benestar e progreso
A Coruña, 22 de setembro de 2016.- O presidente do PPdeG, Alberto Núñez Feijóo, solicitou hoxe en A Coruña votar si o vindeiro domingo ao que une á gran maioría dos galegos: estabilidade, moderación, responsabilidade, respecto, convivencia institucional, capacidade de resolución de problemas, benestar das familias e progreso para Galicia. Neste sentido, pediu o voto polo moito que se pode facer xuntos nos vindeiros catro anos, que agora por fin son de máis esperanza.
Feijóo afirma que “o bloqueo de España non sucedería de imitarse máis a Galicia” e pide “seguir sendo unha excepción de estabilidade”
Ourense, 21 de setembro de 2016.- O Presidente do PPdeG, Alberto Núñez Feijóo, afirmou hoxe en Ourense que “o bloqueo político que vive España nestes momentos non tería sucedido de terse imitado máis a Galicia”, polo que propuxo “seguir sendo unha excepción de unidade, estabilidade e responsabilidade”.
Feijóo avanza que, se os galegos queren, será a lexislatura do rural, cunha aposta pola calidade, a reestruturación e a diversificación
O Saviñao, 21 de setembro de 2016.- O presidente do PPdeG, Alberto Núñez Feijóo, afirmou hoxe que, se os galegos queren, este mesmo luns comezará a lexislatura do rural, cun proxecto claro de futuro, no que avanzaremos en tres sentidos: na aposta pola calidade, na reestruturación e na diversificación. En concreto, avanzou novas axudas para mellorar a rendibilidade das pequenas explotacións lácteas, o peche da parcelaria en 132 zonas para beneficiar a 90.000 familias, garantir acceso a internet de alta velocidade ao rural galego, impulsar o aproveitamento dos bosques co novo Plan Forestal ou a apertura de 30 casas-niño nos concellos rurais para facilitar a conciliación laboral.
Feijóo pide unha excepción para Galicia aos que votaron ao PSOE e a Ciudadanos noutras eleccións
Lugo, 20 de setembro de 2016.- O presidente do PPdeG, Alberto Núñez Feijóo, pediu hoxe o voto non só aos que antes votaron PP ou deixaron de facelo nalgún momento, senón tamén o dos que noutras eleccións votaron ao PSOE e a Ciudadanos.
Feijóo comprométese a estender o plurilingüismo ao 100% dos ciclos de educación infantil de 3 a 6 anos e tamén á FP
Vigo, 20 de setembro de 2016.- O presidente do PPdeG, Alberto Núñez Feijóo, puxo en valor as medidas adoptadas grazas ás que cada vez máis nenos e nenas teñen unha educación trilingüe e comprometeuse a aplicala nos próximos anos ao 100% dos ciclos de educación infantil de 3 a 6 anos e tamén á formación profesional, ampliando ao mesmo tempo os programas de estadías para a aprendizaxe de linguas estranxeiras.
“Galicia merece ser esa excepción en España que permita seguir avanzando con estabilidade, responsabilidade e inconformismo”, di Feijóo
Santiago, 20 de setembro de 2016.- O Presidente do PPdeG, Alberto Núñez Feijóo, afirmou hoxe “non quero máis líos para a miña terra” e anotou que “Galicia merece outra cousa, merece ser esa excepción en España que lle permita seguir avanzando con estabilidade, con responsabilidade e con inconformismo”. Neste sentido, afirmou que en Galicia “existe nos nosos días unha esquerda feudal que quere facernos volver ao minifundismo” e apuntou que “a orixe da suma multipartita que aspira a gobernar, ou mellor dito a desgobernar, está en pequenos cenáculos egocéntricos que invocan ao pobo co vello estilo do despotismo ilustrado: co pobo, sen o pobo”.
Feijóo pide o voto para todo o que nos une aos galegos que é moito máis que o que nos separan os partidos
Ferrol, 19 de setembro de 2016.- O presidente do PPdeG, Alberto Núñez Feijóo, pediu o voto aos galegos por todo o que nos une e non polas diferenzas que se acentúan desde as formacións políticas xa que, segundo expresou, a nosa comunidade únenos moito máis do que nos separaran as siglas ou os partidos.
Feijóo anuncia unha estratexia de rehabilitación de cascos históricos co obxectivo de intervir en máis de 10.000 vivendas
Xunqueira de Ambía, 19 de setembro de 2016.- O Presidente do PPdeG, Alberto Núñez Feijóo, presentou hoxe a estratexia de rehabilitación de cascos históricos que ten como obxectivo intervir en máis de 10.000 vivendas de máis de 40 zonas históricas de Galicia ata 2020. Ademais das bonificacións fiscais para compra de vivenda no rural xa anunciadas a pasada semana, este plan axilizará a obtención de licencias de obra e facilitará préstamos a interese cero a particulares para o financiamento das actuacións. Pola súa banda, a Xunta implicarase directamente coa rehabilitación de máis de 1.500 vivendas e 350 locais comerciais, ao tempo que porá a disposición dos concellos de menos de 50.000 habitantes un fondo de cooperación para que tamén rehabiliten directamente vivendas.
Feijóo asegura que é necesario votar para que Galicia sexa a excepción positiva de España que quere unha grande maioría
Lalín, 18 de setembro de 2016.- O presidente do PPdeG, Alberto Núñez Feijóo, asegurou que é necesario votar para que Galicia sexa a excepción positiva de España que quere unha grande maioría.