Santiago, 12 de marzo de 2018.- O portavoz do Grupo Popular, Pedro Puy, avanzou hoxe que o Pleno da vindeira semana acollerá o debate para a súa aprobación definitiva da modificación da Lei de saúde de Galicia, que blinda a existencia dos hospitais comarcais e achega a atención sanitaria aos cidadáns.
Feijóo: “Non deixedes de debater e de defender en público aquilo no que credes porque intentar convencer con argumentos é facer política”
Santiago, 11 de marzo de 2018.- O presidente dos populares galegos, Alberto Núñez Feijóo, clausurou esta mañá o II Torneo de Debate do PPdeG, onde pediu aos participantes que non deixen nunca de debater e de defender en público aquilo no que creen. “Sexa no bar, na casa, no salón de plenos, no Parlamento ou nun torneo coma este, intentar convencer aos demais cos argumentos e con razóns é facer política”, salientou.
Tellado reivindica que o PPdeG “cre que a política só se enriquece desde o diálogo construtivo”
Santiago, 10 de marzo de 2018.- O secretario xeral dos populares galegos, Miguel Tellado, participou hoxe no II Torneo de Debate do PPdeG onde reivindicou que a súa formación “cre que a política só se enriquece desde o diálogo construtivo”.
O PPdeG explorará a súa canteira en busca de novos talentos no seu II Torneo de Debate
Santiago, 9 de marzo de 2018.- O secretario xeral dos populares galegos, Miguel Tellado, avanzou que o PPdeG explorará a súa canteira en busca de novos talentos no seu II Torneo de Debate, un evento no que se darán cita un cento de participantes e que clausurará o domingo a vicesecretaria de Estudos e Programas, Andrea Levy.
Feijóo pide seguir reivindicando a participación activa e leal das comunidades no proceso de construción europea
Valencia, 9 de marzo de 2018.- O presidente do PPdeG, Alberto Núñez Feijóo, asegurou esta mañá que é necesario seguir reivindicando a participación activa e leal das comunidades no proceso de construción europea.
A Comisión de Sanidade aproba o ditame a modificación da Lei de Saúde de Galicia, paso previo á súa aprobación definitiva en pleno
Santiago, 9 de marzo de 2018.- A Comisión de Sanidade do Parlamento galego aprobou esta mañá o ditame do proxecto de Lei de modificación da Lei de saúde de Galicia, paso previo á súa aprobación definitiva en Pleno. O portavoz de Sanidade, Aurelio Núñez Centeno, incidiu que o novo texto lexislativo “blinda a existencia dos hospitais comarcais coa creación de distritos sanitarios, consolidándoos como servizo sanitario de futuro en cada unha das súas zonas xeográficas”.
O Parlamento galego demanda que a UE reforce a gobernanza global das poboacións pesqueiras ante os organismos internacionais
Santiago, 8 de marzo de 2018.- O Parlamento de Galicia aprobou hoxe, a instancias do Grupo Popular, unha proposición non de lei a través da que se demanda o reforzo por parte da Unión Europea dunha gobernanza global das poboacións pesqueiras ante organismos internacionais como a ONU, a FAO ou a OMC.
O Parlamento demanda que a Xunta busque aliados na defensa dos intereses pesqueiros galegos para abordar os novos retos que xorden co Brexit
Santiago, 8 de marzo de 2018.- O Parlamento de Galicia aprobou hoxe a proposición no de lei do Grupo Popular a través da que se insta á Xunta de Galicia a buscar aliados na defensa dos intereses pesqueiros galegos para abordar os noso retos que xorden co Brexit, plasmando no eido europeo as informacións emanadas do grupo de traballo no seo do Consello Galego de Pesca para analizar cada paso que o proceso vaia dando.
O Parlamento aproba, a instancia do GPP e coa abstención da oposición, demandar á Xunta diversas actuacións para avanzar na igualdade de xénero
Santiago, 7 de marzo de 2018.- O Parlamento de Galicia aprobou hoxe unha proposición non de lei do Grupo Popular, coa abstención de En Marea, PSOE e BNG, a través da que se demanda á Xunta diversas actuacións para avanzar na igualdade de xénero. Porén, a viceportavoz Paula Prado criticou que “a oposición rexeitaran a proposta realizada polo PPdeG, que recollía as liñas xerais das catro proposicións non de lei dos grupos parlamentarios, para acadar un acordo conxunto sobre políticas de igualdade entre homes e mulleres”.
O Parlamento demanda mellorar e ampliar o Programa galego de pacientes polimedicados
Santiago, 7 de marzo de 2018.- O Parlamento de Galicia aprobou hoxe a proposición non de lei do Grupo Popular a través da que se insta á Xunta de Galicia a mellorar e ampliar o programa galego de pacientes polimedicados para garantir unha prevención, detección e resolución dos problemas cos medicamentos de forma proactiva, integral e máis efectiva, a través da posta en marcha de estratexias de xestión, da mellora da formación dos profesionais e da implicación dun maior número deles para darlle continuidade asistencial a este tipo de pacientes.
Rodríguez-Vispo indicou que “nas últimas décadas estamos asistindo a un envellecemento progresivo da poboación e unha das consecuencias inmediatas é o rápido aumento de pacientes con múltiples enfermidades crónicas e o aumento do uso dos medicamentos”. “Esta situación é particularmente importante en Galicia, xa que presenta unha poboación máis envellecida e con maior prevalencia de enfermidades crónicas que a media nacional”, apuntou.
“A polimedicación ten importantes implicacións non só na eficacia terapéutica, senón tamén na propia seguridade do paciente”, afirmou a deputada popular. Por este motivo, considerou “importante levar a cabo unha revisión sistemática e periódica da medicación neste tipo de pacientes”, polo que avogou pola “elaboración dun protocolo para esta revisión sistemática e periódica, que paliaría en parte o problema da conciliación que coloca ao paciente nunha situación de risco, tanto no proceso da alta hospitalaria como no tránsito asistencial”.
ESTUDOS DOS PACIENTES
Así mesmo, Marta Rodríguez-Vispo considerou necesario “o estudo do pacientes susceptibles de presentar problemas de seguridade, establecendo a poboación diana non só polo número de medicamentos prescritos aos pacientes crónicos como ata agora, senón aos que teñan prescritos medicamentos que poidan dar lugar a problemas de seguridade e erros de medicación”.
“Entendemos que a ampliación e mellora na atención farmacolóxica a pacientes crónicos e polimedicados en Galicia conseguiría mellorar a calidade e seguridade asistencial, así como un uso máis responsable da prestación farmaceútica”, manifestou.