Santiago, 2 de maio de 2017.- O Grupo Popular defenderá no Pleno da vindeira semana que o Ministerio de Facenda fixe un período mínimo de cinco anos de imputación no imposto da renda para as subvencións por incorporación de mozos ao rural galego ou se esa incorporación se fai mediante a súa participación en entidades, a axuda percibida se impute na imposición desta entidade. Así mesmo, os deputados populares instarán á Xunta a planificar actuacións que favorezan o impulso dun Hub de gas natural licuado en Galicia.
Aprobado por unanimidade na Comisión 2ª o ditame da proposición de lei que solicita a transferencia da AP-9 a Galicia
Santiago, 2 de maio de 2017.- A Comisión 2ª aprobou esta mañá por unanimidade o ditame da proposición de lei de transferencia da titularidade e das competencias da AP-9 a Galicia. Deste xeito, esta iniciativa lexislativa queda pendente da súa aprobación definitiva polo Pleno para a súa remisión ao Congreso dos Deputados.
Seguir leyendo
O Parlamento insta á Xunta a continuar coa elaboración periódica de información socioeconómica do sector pesqueiro
Santiago, 28 de abril de 2017.- O Parlamento de Galicia aprobou hoxe, a iniciativa do Grupo Popular, unha proposición non de lei a través da que se insta á Xunta a continuar coa elaboración periódica de información socioeconómica do sector pesqueiro, concretamente das táboas Input-Output da pesca galega e das enquisas Ocupesca, ferramentas sumamente válidas de cara a achegalas aos marcos decisorios europeos e estatal e que permitan tomar decisións máis xustas e equilibradas en materia de política pesqueira.
O Parlamento solicita que se corrixa a dobre sanción aos buques europeos recollida no regulamento comunitario sobre o control de flotas
Santiago, 28 de abril de 2017.- A Parlamento de Galicia aprobou hoxe unha proposición non de lei, a iniciativa do Grupo Popular, a través da que se solicita ao Goberno central para que demande das instancias europeas a flexibilización da norma de control de flotas no exterior, de maneira que nos trílogos se reconsidere e se corrixa a dobre sanción que poden padecer os buques europeos en caso de cometer faltas na súa actividade pesqueira.
Os populares galegos comezan a perfilar unha nova rolda de visitas a pequenos concellos
Santiago, 28 de abril 2017.- O secretario xeral do PPdeG, Miguel Tellado, ofreceu unha rolda de prensa este venres na que anunciou que aproveitando que a climatoloxía empeza a permitilo, desde o partido comézase a perfilar unha nova rolda de visitas do noso líder a concellos para encontros con veciños, inspirada nos Faladoiros do ano pasado. “O presidente Feijóo sinalou logo das eleccións que a súa promesa de estar a pé de rúa e na meirande parte de concellos de Galicia non era unha simple fase de campaña, senón unha vontade sincera de achegarse a todos os galegos”, destacou.
Seguir leyendo
O Parlamento insta á Xunta a valorar a concesión de subvencións a concellos que incumpran os prazos de pago a provedores
Santiago, 27 de abril de 2017.- O Parlamento galego aprobou hoxe as resolucións aos informes de fiscalización ao sector público de Galicia do Consello de Contas de Galicia. Entre as medidas incorporadas figuran as propostas do Grupo Popular para solicitar á Xunta que valore a concesión de subvencións aos concellos que incumpran os prazos de pago a provedores, ou que poña a disposición das deputacións provinciais os medios e eficacia da Axencia Tributaria de Galicia para a xestión recadatoria de impostos.
A portavoz do Grupo Popular para as relacións co Consello de Contas, Cristina Romero, manifestou que “confiamos no traballo feito pola institución e na súa imparcialidade e independencia, polo que consideramos que as actuacións de fiscalización corresponden a criterios obxectivos e profesionais”.
Seguir leyendo
Marián García: «A recuperación do antigo Hospital do Rebullón en Mos enmárcase nun proceso máis amplo de equipamentos sociais que atenda a demanda»
Santiago, 27 de abril de 2017.- A deputada do Grupo Popular Marián García Míguez afirmou esta tarde no Parlamento que a recuperación do antigo Hospital do Rebullón en Mos para o desenvolvemento de novos servizos sociais ou sanitarios enmárcase nun “proceso máis amplo e global dos equipamentos sociais segundo a demanda das distintas áreas e un plantexamento coordinado e global dos usos de todos os edificios que son patrimonio da Xunta”.
O Parlamento aproba instar á Xunta a traballar conxuntamente cos gandeiros no fortalecemento das organizacións de produtores lácteos
Santiago, 27 de abril de 2017.- O Parlamento de Galicia aprobou hoxe unha proposición non de lei, a iniciativa do Grupo Popular, a través da que se insta á Xunta a traballar conxuntamente cos gandeiros no fortalecemento das organizacións de produtores como instrumento para reforzar a súa capacidade na negociación das condicións de venda do leite e a participación na comercialización e valor engadido da produción.
O PPdeG pide á oposición que non confunda aos emigrantes retornados porque todos os que reciben pensións de máis de 12.000 euros teñan obriga de pagar IRPF
Santiago, 26 de abril de 2017.- O deputado do Grupo Popular José González Vázquez demandou hoxe no Parlamento aos grupos da oposición que “non confundan aos emigrantes retornados porque todos aqueles que reciban pensións superiores a 12.000 teñen a obriga de pagar o imposto da renda”. Neste sentido, criticou que pidan a exención de presentar a declaración do IRPF para os pensionistas retornados, o que “faría de peor condición non só aos pensionistas españois senón tamén aos emigrantes retornados que xa están pagando con normalidade o seu IRPF”.
O Parlamento aproba demandar ao Goberno central a modernización da conexión ferroviaria entre A Coruña e Ferrol
Santiago, 26 de abril de 2017.- O Parlamento galego aprobou hoxe unha iniciativa impulsada polo Grupo Popular a través da que se demanda ao Goberno do Estado o impulso da modernización da conexión ferroviaria entre A Coruña e Ferrol, establecendo fases sucesivas para o desenvolvemento das actuacións de xeito que a súa progresiva posta en servizo permita ir acurtando os tempos de percorrido. “Os ferroláns merecen un tren á altura da nova era do transporte que abrirá o AVE a Galicia, e que xa empezan a gozar os usuarios do eixo atlántico ferroviario”, manifestou o portavoz de Infraestruturas, Martín Fernández Prado.