Santiago, 22 de marzo de 2017.- O Parlamento de Galicia aprobou hoxe por unanimidade unha proposición non de lei, impulsada polo Grupo Popular, a través da que se solicita que o Goberno central, en colaboración coa Xunta, proceda ao despregamento de redes de acceso a internet de nova xeración de moi alta velocidade (100 megabytes), empregando os fondos europeos dos que dispoñen ambas administracións, cumprindo os obxectivos europeos de cobertura das redes de nova xeración.
Seguir leyendo
O Parlamento aproba solicitar que Xunta e Fegamp acorden criterios claros para realizar investimentos en obras hidráulicas
Santiago, 22 de marzo de 2017.- O Parlamento de Galicia aprobou hoxe unha proposición non de lei, a iniciativa do Grupo Popular, a través da que se solicita á Xunta para que dea prioridade á negociación coa Federación Galega de Municipios e Provincias (Fegamp) co obxecto de acordar uns criterios claros para realizar investimentos en materia de obras hidráulicas e o establecemento dunha estrutura tarifaria de referencia.
O GPP apoia solicitar ao Goberno central que elimine as restricións nas taxas de reposición de prazas no Sistema Nacional de Saúde
Santiago, 22 de marzo de 2017.- O Grupo Popular apoiou hoxe no Parlamento a aprobación dunha proposición non de lei a través da que se demanda ao Goberno central que elimine as restricións impostas ás comunidades autónomas mediante as limitacións ás taxas de reposición de prazas no Sistema Nacional de Saúde. Ademais, solicítase que, unha vez eliminada esta taxa de reposición, a Xunta convoque unha OPE no ano 2017 que chegue a 1.600 prazas.
Seguir leyendo
O PPdeG apoia instar á Xunta a iniciar antes de xullo de 2018 as obras do Plan de modernización dos regadíos da comarca da Limia
Santiago, 22 de marzo de 2017.- O Grupo Popular apoiou hoxe a aprobación no Parlamento dunha proposición non de lei a través da que se insta á Xunta a iniciar antes do mes de xullo de 2018 a licitación das obras do Plan de modernización dos regadios da comarca da Limia.
Seguir leyendo
O Grupo Popular apoia realizar un plan de dragaxe dos portos galegos conforme ás súas necesidades e reducindo a tramitación destas obras
Santiago, 22 de marzo de 2017.- A deputada do Grupo Popular Teresa Egerique cualificou hoxe de “irreal” e de “dubidosa rendibilidade para Galicia” a proposta de En Marea para o establecemento do servizo público de dragado portuario. Neste sentido, indicou que desde o PPdeG “seguiremos apoiando un plan de dragaxe conforme ás necesidades dos portos galegos e continuaremos traballando para reducir a tramitación nesas obras, porque consideramos que iso é o que xera os atrasos e non os problemas técnicos”.
O Grupo Popular solicitará a posta en marcha no primeiro semestre deste ano dun plan de Igualdade no emprego
Santiago, 21 de marzo de 2017.- A portavoz de Igualdade do Grupo Popular, Marián García Míguez, asegurou hoxe no Parlamento que desde o PP “non imos converter os debates de igualdade en recriminacións partidistas nin en loitas de posturas de máximos” e criticou que a desvergoña do Grupo Socialista privou dun acordo unánime no Parlamento para solicitar a posta en marcha no primeiro semestre deste ano dun Plan de igualdade no emprego; a realización dun estudo sobre a fenda salarial, intensificando o labor da Inspección de Traballo; ou a regulación a nivel estatal da figura do mobing maternal. Todas estas iniciativas serán recollidas polo Grupo Popular nunha proposición non de lei que rexistrará para a súa aprobación polo Parlamento.
O PPdeG critica que En Marea volva traer ao pleno demandas en materia ferroviaria que xa foron aprobadas no Parlamento
Santiago, 21 de marzo de 2017.- O portavoz de Infraestruturas do Grupo Popular, Martín Fernández Prado, criticou que En Marea “volva traer hoxe ao Pleno demandas en materia de transporte ferroviario que xa están aprobadas neste Parlamento”. “O Goberno galego, no ámbito das súas responsabilidades, seguirá a traballar para que se continúe coa mellora dos servizos ferroviarios dos últimos anos, que se atendan as demandas dos cidadáns e coordinando actuacións naqueles ámbitos de confluencia competencial”, indicou.
Isabel Novo:»En Galicia hai unha política industrial de automoción clara, transparente e sólida»
Santiago, 21 de marzo de 2017.- A deputada do Grupo Popular Isabel Novo Fariña asegurou hoxe no Parlamento que en Galicia hai “unha política industrial do sector da automoción clara, transparente e sólida, coa adxudicación de novos modelos a PSA que garanten unha década despexada, con 1.000 empregos máis que hai un ano, desenvolvendo o vehículo autónomo e con 3.000 millóns de euros de investimento para industria auxiliar”.
O Grupo Popular demanda á oposición que «se tomen en serio a ampliación do Hospital de Montecelo en Pontevedra»
Santiago, 21 de marzo de 2017.- O deputado do Grupo Popular Jacobo Moreira demandou hoxe no Parlamento que os grupos da oposición “se tomen en serio a ampliación do Hospital de Montecelo en Pontevedra” e cualificou de “boutade que traian ao debate da Cámara galega unha moción pedindo que se licite e adxudique o proxecto deste hospital en 2017, cando saben perfectamente que resulta imposible e o propio conselleiro xa avanzou no pasado pleno a previsión de que estará para finais de 2018 ou principios de 2019”.
Pedro Puy afirma que «temos a conciencia tranquila porque Galicia é das poucas CCAA que traballou para manter unha entidade bancaria no seu territorio»
Santiago, 20 de marzo de 2017.- O portavoz do Grupo Popular, Pedro Puy, avanzou hoxe que “non imos utilizar a Comisión de Investigación sobre as antigas caixas galegas como un instrumento de liorta política” e asegurou que “temos a conciencia absolutamente tranquila porque Galicia é unha das poucas comunidades autónomas que traballou por manter unha entidade domiciliada no seu territorio, cun impacto importante non só no crédito, senón tamén nos postos de traballo”.